பார்த்தது, கேட்டது, படித்தது

சனி பெயர்ச்சி பலன்கள் 2011

2011-08-31T08:45:00.002+05:30

சனி பெயர்ச்சி பலன்கள் 2011

திருக்கணிதம் பஞ்சாங்கப்படி,கர வருடம் ஐப்பசி மாதம் 15 ஆம் தேதி,(1.11.2011)செவ்வாய்க்கிழமை காலை 10.12 மணிக்கு சனிபகவான் கன்னி ராசியிலிருந்து துலாம் ராசிக்கு செல்கிறார்.

மேலும் படிக்க;

மங்காத்தா...அதிரடி, ஹாட்கேக் அஜீத்..கவலையில் விஜய்

2011-08-31T08:40:00.000+05:30

மங்காத்தா அதிரடி....

சூர்யா வின் ஏழாம் அரிவு தீபாவளி ரேஸில் விஜய் நடித்த வேலாயுதத்துடன் களம் இறங்குகிறது.அதிக எதிர்பார்ப்புடன் மங்காத்தா இன்று களம் இறங்குகிறது.சூர்யா,அஜீத் இருவரும் தயாரிப்பாளர்கள்,வினியோகஸ்தர்கள் மத்தியில் ஹாட்கேக் ஆகிவிட்டனர்..விஜய்க்க்ய் வேலாயுதம் கில்லி போல வெற்றி கொடுத்தால்தான் இவர்களை விட பெரிய ஹாட்கேக் ஆக முடியும்.

மேலும் படிக்க;

எங்கே போகிறோம் நாம்?-தமிழருவி மணியன் -ஜூனியர் விகடன்

2010-03-17T14:03:00.000+05:30

தமிழருவி மணியன் திராவிட இயக்கங்களின் முக மூடிகளை கிழிக்கும் ஆவேச தொடர் தான் எங்கே போகிறோம் நாம்? புதிய தலைமுறையினருக்கு ,பழைய அரசியல் தடங்களை வெளிச்சம் போட்டு காட்டும் தொடர் படித்து பாருங்கள்...

ஆங்கில, தமிழ் படங்களை இலவசமாக பார்க்கலாம்!

2010-03-02T14:14:00.000+05:30

தமிழ்நாடு இயல் இசை நாடக மன்றம் அடையாறு கிரீன்வேஸ் சாலையில் இயங்கி வருகிறது. இங்கு ரூ.5 லட்சம் செலவில் மினி தியேட்டர் கட்டப்பட்டு உள்ளது.

கலைஞர் திரையரங்கம் என்று அதற்கு பெயரிடப்பட்டு உள்ளது. கனிமொழி எம்.பி. வருகிற 20-ந்தேதி இந்த தியேட்டரை திறந்து வைக்கிறார்.

இந்த தியேட்டரில் 30 முதல் 40 பேர் வரை உட்கார்ந்து பார்க்க வசதி செய்யப்பட்டு உள்ளது. ஆங்கில, தமிழ் திரைப்படங்கள் இங்கு திரையிடப்பட உள்ளன.

இதுபற்றி இயல் இசை நாடக மன்ற செயலாளர் கவிஞர் இளையபாரதி,

’’கலைஞர் திரையரங்கம் ஒருஆடியோ வீடியோ லைப்ரரியாக செயல்படும். பிரபலமான 1000 ஆங்கிலப்பட வீடியோக்களை சேகரித்து வைத்துள்ளோம். தமிழ் படங்களில் சிறந்த படங்களை தேர்வு செய்து வைத்துள்ளோம்.

குறிப்பாக பழைய படங்களான கண்ணகி, ஸ்ரீவள்ளி, கலைஞரின் பராசக்தி, மனோகரா, ராஜாராணி, ஜெயகாந்தனின் சிலநேரங்களில் சில மனிதர்கள் போன்ற முக்கிய படங்களின் சி.டி.க்களை வைத்து இருக்கிறோம்.

எழுத்தாளர்கள், பத்திரிகையாளர்கள், நடிகர்- நடிகைகள் போன்றோர் ஏதேனும் படத்தை பார்க்க விரும்பினால் அவர்களுக்கு திரையிட்டு காண்பிக்கப்படும். இதற்கு கட்டணம் வசூலிக்கப்பட மாட்டாது. இலவசமாக பார்க்கலாம்.

உலக சினிமாக்கள், இந்திய சினிமாக்கள், தமிழ் சினிமாக்கள், ஆவண படங்கள் என 4 வகையாக வரிசைப்படுத்தி இப்படங்களை வைத்து இருக்கிறோம்.

அதோடு முக்கியமான இசையமைப்பாளர்களின் இசை ஆல்பங்களையும் இங்கு பார்க்கலாம். புதிய பாடகர்களின் பாடல்களை கேட்டு ரசிக்கலாம்.

உலகத்தரத்தில் “சவுண்ட் சிஸ்டம்” மற்றும் நவீன தொழில் நுட்பத்தில் இத்தியேட்டர் கட்டப்பட்டு உள்ளது. முக்கிய பிரமுகர்களை சேர்த்து “மூவி கிளப்” ஒன்றையும் விரைவில் தொடங்க உள்ளோம்’’என்று தெரிவித்துள்ளார்.

நன்றி-நக்கீரன்

ஆன்மீகப் பார்வையிலும் அடிபடும் ஜோதிடம் - பாகம் 1

2010-03-01T17:49:00.001+05:30

-----------------------------------------------------------------------------------

அறிவியல் பார்வையில் மட்டுமல்ல, ஆன்மீகப் பார்வையிலும் அடிபடும் ஜோதிடம் : பாகம் 1

மிகுந்த சமய, ஆன்மீகப் பற்றுள்ள, ஆனால் ஜோதிடத்தை சிறிதும் நம்பாத (சொல்லப் போனால் ஜோதிடத்தை எதிர்க்கும்) ஆள் நான் என்றால் யாரும் நம்பவும் ஏற்றுக் கொள்ளவும் மறுக்கிறார்கள். “என்ன சார், இவ்வளவு அழகா விபூதி குங்குமம் வெச்சுருக்கீங்க, ஜோதிடம் எல்லாம் பொய்யினு இப்படி நாத்திகர் மாதிரி பேசறீங்களே!” என்பது ஒரு வகை. “நீ ஜோசியத்தை நம்பாமல் கேலி பேசுவதால் உன் ஆன்மீக சாதனைகள் எல்லாமே வீணாய்ப் போகும்” போன்ற சில ‘பெரியவர்களின்’ சாபங்கள் இன்னொரு வகை. தளையற்ற சிந்தனைகளிலும் உணர்வுகளிலும் முகிழ்த்த நம் சமய, ஆன்மீக மரபுகளைப் பின்பற்றுவதாகக் கூறிக் கொள்பவர்கள் இப்படி முரண் போலத் தோன்றுகின்ற சில சின்ன விஷயங்களைக் கூட ஜீரணிக்கத் தயங்குவது ஆச்சரியமான முரண்பாடு தான்.

முதலில் வரலாற்றுப் பார்வையில் ஜோதிடம் பற்றிச் சில விஷயங்கள்.

“ஜ்யோதிஷம்” என்கிற மூலச் சொல்லுக்குப் பொருள் “ஒளி பற்றிய அறிவு” என்பது. ஒளிரும் பொருள்களான சூரியன், சந்திரன் மற்றும் கிரகங்கள் பற்றிய ஆராய்ச்சியையும், அறிவையும் குறிப்பதற்காக வேத இலக்கியத்தில் இந்தச் சொல் பயன்பட்டது, ஒரு வகையில் பண்டைய வான சாஸ்திரம் எனலாம். இது பற்றியே வேத வித்யையின் ஆறு அங்கங்களில் ஒன்றாக ஜோதிடம் அறியப் பட்டது. வேத காலத்திலிருந்து இந்த அறிவு விரிவாக்கம் பெற்று வளர்ச்சியடைந்த கால கட்டங்களில் முக்கியமான ஒன்றுக்கொன்று தொடர்புடைய மூன்று விஷயங்கள் பற்றிய சிந்தனை வளர்ச்சியை இந்தத் துறை உள்ளடக்கியது –
1. வானியல் : வெளியில் தோன்றும் கிரகங்கள் மற்றும் நட்சத்திரங்களை இனம் கண்டு வகைப் படுத்துவது. அவற்றின் இயக்கம் மற்றும் சுழற்சி பற்றி அறிவது, தட்பவெப்ப நிலை மாற்றங்களில் வான் பொருட்களின் (celestial objects) தாக்கம், கிரகணங்கள், வால் நட்சத்திரங்கள் போன்றவற்றைப் புரிந்து கொள்ளுதல் முதலியவை.
2. கணிதம் : வான் பொருட்களின் இடம் மற்றும் இயக்கம் பற்றிய அறிவை முன்னெடுத்துச் செல்ல அடிப்படை ஜியோமிதி மற்றும் முக்கோணவியல் (Trignometry) அத்தியாவசியமாயிற்று. ‘கணிதம்’ என்பதும் ஆறு வேத அங்கங்களில் ஒன்றாக அறியப்பட்டுத் தனித் துறையாக வளர்ந்து வந்தது. எனவே, ஜோதிடத்திலும் கணித அறிவின் பல கூறுகள் பயன்படுத்தப் பட்டன.
3. கால அளவு முறைகள்: எல்லா பண்டைய நாகரீகங்களின் வளர்ச்சியிலும் காலக் கணக்கு முறைகள் இயற்கை நிகழ்வுகளின் அடிப்படையிலேயே உண்டாயின. பன்னிரண்டு ராசிகள், சந்திரனின் வளர்பிறை, தேய்பிறை சுழற்சியைக் கொண்டு நாட்களை அளவிடுதல் போன்றவை. பிறப்பு, இறப்பு நாட்கள், பருவங்கள், பண்டிகைகள் இவை அனைத்தும் இந்தக் கால அளவு முறையிலேயே குறித்து வைக்கப் பட்டன. ஆவணி மாதம் வளர்பிறையில் அஷ்டமியும் ரோகிணியும் கூடியிருந்த நாளில் கண்ணன் பிறந்தான் என்பது போல. பஞ்சாங்கம் என்பது அடிப்படையில் ஒரு காலக் கணக்குக் காட்டி என்பதாகவே உருவாயிற்று.

மேற்சொன்ன வானியல் அறிவும், கணித அறிவும், பல நூற்றாண்டுகளாகத் திரட்டப் பட்ட பிரபஞ்ச நிகழ்வுகள் (cosmic events) பற்றிய பதிவுகளும் (recordings) ஒன்றிணைந்து இத் துறையில் பெரும் வளர்ச்சியை ஏற்படுத்தின. எந்தத் தொலைநோக்குக் கருவியின் உதவியுமின்றி கிரகணங்களைத் துல்லியமாகக் கணிப்பது போன்ற அரிய நுட்பங்கள் இதனால் உருவாயின. ஜ்யோதிஷம் என்று முதலில் அறியப் பட்ட அறிவுத் துறை இது வரை தான்.

இதே கால கட்டத்தில் தான் கர்மம், ஊழ், வினைப்பயன், மறுபிறவி, பிரபஞ்சவியல் போன்ற கருத்துகளும் வளர்ந்தன. ஒவ்வொரு உயிரின் செயல்பாடுகளும் அதன் கர்ம வினைப் படியே நடந்தேறும், ஒரு ஜீவனின் சுழற்சியை முற்றுமாகத் தீர்மானிப்பது அதன் கர்மமே என்ற அடிப்படை சமய உண்மையும் வலுப்பெற்றது. “அண்டத்தில் உள்ளது பிண்டத்திலும் உள்ளது”, பிரபஞ்சம் முழுவதும் ஒன்றுக்கொன்று வேறுபட்ட பொருட்களால் ஆனது போல் தோன்றினாலும், அடிப்படையில் ஒன்றுக்கொன்று தொடர்புடைய, சொல்லப் போனால் ஒன்றேயான பொருளால் ஆனது என்னும் வேதாந்த சிந்தனையும் இதனூடாக முளைத்தது.

பல்வேறு பட்ட இந்த சமய, அறிவியல் தத்துவங்களின் தாக்கங்களினால் “வான வெளியில் சுழலும் கிரகங்களின் இயக்கம் மனித வாழ்க்கையிலும் புகுந்து, ஓரளவு கர்ம வினைகள் மற்றும் அதன் பயன்களையும் தீர்மானிக்கிறது” என்பதாக ஒரு கருத்து உருவாகியிருக்கலாம் என்றே தோன்றுகிறது. இதுவே இன்று நாம் ஜோதிடம் என்று அழைக்கும் விஷயமாக வளர்ந்திருக்கிறது. நாளடைவில் இந்தக் கருத்தை ஏற்றுக்கொண்டவர்கள் இதில் “ஓரளவு” என்பதைக் கொஞ்சம் கொஞ்சமாக “எல்லாவற்றையுமே” கிரக சஞ்சாரங்கள் தான் தீர்மானிக்கின்றன என்பதாக வளர்த்தெடுத்திருக்கலாம். ஏற்கனவே புழக்கத்திலிருந்த சகுனம் பார்த்தல், பறவைகள் மற்றும் விலங்குகளின் சேஷ்டைகள் இயற்கை நிகழ்வுகளை முன்னறிவிக்கும் போன்ற நம்பிக்கைகள் எல்லாம் கலந்து, இன்று அஸ்ட்ராலஜி மட்டுமல்லாமல் நியூமெராலஜி, ஜெம்மாலஜி, ‘சும்மா’லஜி என்று அப்பாவி மக்களையும், பல படித்த முட்டாள்களையும் பைத்தியம் பிடிக்க வைத்துக் கொண்டிருக்கும் நிலைமைக்கு வந்திருக்கலாம்.

சுவாமி விவேகானந்தர் “மனிதனின் விதிக்கு அவனே பொறுப்பாளி” என்ற தலைப்பில் ஆற்றிய சொற்பொழிவில் ஜோதிடம் பற்றிய தமது கருத்துக்களைத் தெளிவாகக் கூறியிருக்கிறார். “ஒரு காலத்தில் தென்னிந்தியாவில் புகழ்பெற்ற அரசவம்சங்களில் தோன்றியவர்களின் பிறந்த நேரத்தை வைத்து ஜாதகங்கள் கணிக்கப்பட்டு எதிர்காலம் பற்றிய யூகங்கள் கூறப்பட்டன, இந்த ஊகங்கள் பிறகு நடந்த உண்மை சம்பவங்களுடன் ஒப்பு நோக்கப்பட்டன. இப்படியே ஒரு ஆயிரம் வருடங்கள் ஜோதிடர்களின் வம்சாவளிகள் இதை செய்து வந்தன. இந்தப் போக்கில் பல யூகங்கள் “பொது விதிகளாக” அறியப்பட்டு ஜோதிடப் புத்தகங்கள் உருவாகியிருக்கலாம்” என்று சுவாமிஜி கூறுகிறார். “பண்டைய இந்துக்களிடமிருந்து வான சாஸ்திரத்தைக் கற்றுக்கொண்ட கிரேக்கர்கள், தங்கள் கலாசாரத்தில் பிரபலமாக இருந்த ஜோதிடக் கலையை இந்துக்களுக்குக் கற்றுக் கொடுத்திருக்கலாம்” என்றும் சுவாமிஜி கூறுகிறார். இதன்படி பார்த்தால் இன்றைய ஜோதிடக் கலையின் மூலம் வேத கலாசாரமே இல்லை என்றாகிறது! “ஜோதிடத்தின் சிறு சிறு நுட்பங்களிலும் அளவுக்கு அதிகமான கவனம் செலுத்தத் தூண்டிய மூடநம்பிக்கைகள் காலப் போக்கில் இந்துக்களுக்குப் பெரும் தீங்கையே விளைவித்திருக்கின்றன” என்றும் அவர் மதிப்பிடுகிறார்.

அவர் மேலும் கூறுகிறார் - “வேதாந்த தத்துவத்தின் படி ஒரு பொருளின் சகல பரிணாமங்களும் அதன் இயற்கையிலேயே இருக்கின்றனவே அன்றி அதற்கு வெளியில் இல்லை (மரம் முழுவதும் விதைக்குள் அடங்கியிருப்பது போல).. என்னுடைய இப்போதைய நிலை முழுவதையும் விளக்குவதற்கு என் கர்ம வினையே போதுமானது, கிரகங்களும் நட்சத்திரங்களும் தேவையில்லை!.. (போதிசத்வரான) புத்தர் மறுபடியும் மறுபடியும் பற்பல மிருகங்களாகவும் பறவைகளாகவும் பிறந்து, ஒவ்வொரு முறையும் இறுதியில் புத்த நிலையை அடைகிறார். இதில் நட்சத்திரங்களுக்கு என்ன வேலை? அவற்றின் தாக்கம் மிகச் சிறிதளவு இருக்கலாம், ஆனால் நம் கடமை அவற்றை ஒதுக்கித் தள்ளுவது தானே தவிர, அவற்றை எண்ணி மறுகிக் கவலையுறுவதல்ல.. என் போதனையின் முதல் உபதேசம் இது தான் – உடலையோ, மனத்தையோ, ஆன்மாவையோ பலவீனப் படுத்துவது எதுவாயினும், அதைக் கால் தூசுக்கு சமானமாகக் கூடக் கருதாதீர்கள்! மனிதனில் இயல்பாக உறையும் ஆன்ம சக்தியை வெளிக்கொணர்வதே உண்மையான சமய தத்துவம்”

ஒரு பழைய கதை. ஒரு ஜோதிடர் அரசரிடம் வந்து “இன்னும் ஆறு மாத்தில் உங்களுக்கு மரணம் சம்பவிக்கும், என் கணக்கு என்றும் பொய்யாகாது” என்று சொன்னார். இந்த மரண பயத்திலேயே அரசருக்குப் பாதி உயிர் போய்விடும்போலிருந்தது. இது பொறுக்க முடியாத அறிவாளி அமைச்சர் ஜோதிடரைக் கூப்பிட்டு “தங்கள் கணக்குப் படி, தங்களின் ஆயுட்காலம் எவ்வளவோ?” என்று கேட்டார். “பன்னிரண்டு வருஷத்திற்கு எனக்கு ஒரு கண்டமும் கிடையாது. இது நிச்சயம்” என்று சத்தியம் செய்தார் ஜோதிடர். அடுத்த கணம் அமைச்சர் வாளை உருவினார். ஜோதிடரின் தலை தரையில் கிடந்தது. “இந்தப் பொய்யன் சொன்னதை இன்னும் நம்புகிறீர்களா?” என்று அரசரைத் தெளிவித்தார் அமைச்சர்.

இந்தக் கதையைக் கூறிய சுவாமிஜி, மேலும் சொல்லுக்கிறார் – “(கடந்த காலம் பற்றிய) பல ஆச்சரியகரமான விஷயங்கள் ஜோதிடர்கள் கூறக் கேட்டிருக்கிறேன். ஆனால், அவை அனைத்தையும் கிரக நட்சத்திரக் கணக்குகளைக் கொண்டு அவர்கள் சொல்லுகிறார்கள் என்று நம்புவதற்குக் காரண அறிவு இடம் கொடுக்கவில்லை. பெரும்பாலும் மனதைப் படித்து (mind reading) சொல்லப்படுபவையே இவையெல்லாம்… உண்மையான சமய தத்துவம் உங்களை உறுதியாக்கி குருட்டு நம்பிக்கைகளினின்று விடுவிக்கும்… மிக மிக உயர்வானவை அனைத்தும் (ஆன்மாகிய) உன் காலடியில் கிடக்கின்றன. நீ நினைத்தால் நட்சத்திரங்களையும் கையில் அள்ளி விழுங்கி விடலாம். ஆன்மாவாகிய உன் உண்மை இயல்பு இந்தப் பெரும் சக்தியே..”
சென்ற நூற்றாண்டின் ஈடு இணையற்ற ஆன்மீக குருவாகவும், சிந்தனையாளராகவும் திகழ்ந்த சுவாமி விவேகானந்தரின் கருத்துக்கள் இவை. சீர்திருத்தவாதியான சுவாமிஜியின் கருத்துக்கள் இப்படிப் புரட்சிகரமாக இருப்பதில் வியப்பில்லை.
நன்றி-ஜடாயூ

முக்கிய செய்தி ;85 பயணிகளுடன் எதியோபிய விமானம் மாயம்

2010-01-25T08:49:00.003+05:30

பெய்ரூட் : 85 பயணிகளுடன் சென்ற எதியோபிய விமானத்தை காணவில்லை. லெபனான் தலைநகர் பெய்ரூட்டில் இருந்து எதியோபியன் ஏர்லைன்சுக்கு சொந்தமான விமானம் இன்று காலையில் எதியோபிய தலைநகர் அடிஸ்அபாபாவுக்கு புறப்பட்டது. விமானம் புறப்பட்டு சென்ற 45 நிமிடங்களுக்குப் பிறகு விமான கட்டுப்பாட்டு அறையுடனான தொடர்பு துண்டிக்கப்பட்டது. விமானம் விபத்துக்குள்ளாகியிருக்கலாம் என அஞ்சப்படுகிறது.
கடைசி செய்தி -அதில் பயணம் செய்த நூறு பயணிகளுடன் விமானம் கடலில் விழுந்து விட்டது

வாழ்க்கையை சீரழித்தவர்களை பழிவாங்க; கொள்ளைக்காரியாக மாறிய பூலான்தேவி

2010-01-23T17:03:00.001+05:30

வாழ்க்கையை சீரழித்தவர்களை பழிவாங்க; கொள்ளைக்காரியாக மாறிய பூலான்தேவி

குலை நடுங்க வைக்கும் கொள்ளைக்காரியாக இருந்து மனம் திருந்தி 11 ஆண்டுகள் சிறைவாசம் கண்டு, பிறகு அரசியலில் புகுந்து பாராளுமன்ற உறுப்பினராகி சாதனை புரிந்தவள் பூலான்தேவி.

உத்தரபிரதேச மாநிலத்தில் சாம்பல் பள்ளத்தாக்கு பகுதி கொள்ளையர்களின் கூடாரமாக விளங்கியது. பலரது தலைமையில் கொள்ளை கோஷ்டிகள் இயங்கி வந்தன. இவற்றில் சில கொள்ளைக்கும்பல்கள் பெண்ணை தலைவியாக கொண்டு செயல்பட்டன.

இதுபோன்று சுமார் 25 ஆண்டுகளுக்கு முன்பு அதிபயங்கர கொள்ளைக்காரியாக விளங்கியவள்தான் பூலான்தேவி. அவளது வாழ்க்கை வரலாறு பாண்டிட் குயின் என்ற பெயரில் சினிமாப்படமாக வெளிவந்தது. அந்த திரைக்காவியம் பெரும் சர்ச்சையை கிளப்பினாலும் பூலான்தேவியைப் பற்றிய விவரங்கள் ஓரளவு வெளி உலகுக்கு தெரியவந்தது. பிறவியிலேயே பூலான்தேவி கொள்ளைக்காரி அல்ல. கொள்ளைக்காரியாக ஆக்கப்பட்டாள்.

பூலான்தேவி உத்தரபிரதேச மாநிலத்தில் ஜலான் மாவட்டத்தில் இருக்கும் ஜோர்கி கபர்வா என்ற கிராமத்தில் பிறந்தாள். மல்லாஸ் எனப்படும் மிகவும் தாழ்த்தப்பட்ட குடும்பத்தைச் சேர்ந்தவள். தந்தை பெயர் தேவிதீன்; தாயார் பெயர் மூலா. இவர்கள் மிகவும் ஏழைகள். படகோட்டி பிழைத்து வந்தார்கள்.

4 சகோதரிகள். ஒரு தம்பி உண்டு. பாலிய விவாகம் (சிறு வயதில் திருமணம்) என்பது அங்கு சர்வசாதா ரணமான விஷயம். வயதுக்கு வரும் முன்பே (அதாவது 11 வயதில்) பூலான் தேவிக்கு திருமணம் நடந்தது. கணவன் பெயர் புட்டிலால். பூலான்தேவியை விட 20 வயதுக்கு மூத்தவன். ஏற்கனவே 2 பெண்களை திருமணம் செய்தவன்.

திருமணம் ஆன பெண், வயது வரும் வரை பெற்றோர் கண்காணிப்பில் இருப்பது வழக்கம். அதன்படியே முதலில் பூலான்தேவி தாய் வீட்டில் இருந்தாள். ஆனால் கணவனோ அவளை வலுக்கட்டாயமாக அழைத்துச் சென்றுவிட்டான்.

அவளை பலாத்காரம் செய்தான். இப்படி பல முறை தொல்லைகளுக்கு ஆளானாள். முடிவில் பெற்றோர் வீட்டில் குடிபுகுந்தாள். இதனால் பூலான்தேவியை கைவிட்டு புட்டிலால் வேறு ஒரு பெண்ணை திருமணம் செய்து கொண்டான்.

சிறிது காலம் பெற்றோர் வீட்டில் மகிழ்ச்சியாக இருந்த பூலான்தேவிக்கு அங்கும் நிம்மதி பறிபோனது. பூலான்தேவியின் உறவினரான (மாமா) மையாதீன் என்பவன் பல வழிகளிலும் தொல்லை கொடுத்து வந்தான். ஒருநாள் அந்த கிராமத்தின் பணக்கார வகுப்பினர் பூலான் தேவியின் கற்பை அவளது பெற்றோர்கள் எதிரிலேயே சூறையாடினார்கள்.

வாழ்க்கையில் வெறுப்படைந்த பூலான் தேவி தனது சகோதரிகளுடன் ஊரைவிட்டே ஓடினாள். அவளுடைய பெற்றோரை போலீசார் கைது செய்து சிறையில் அடைத்தனர். ஆனாலும் மாமன், பழி தீர்க்கும் படலத்தை கைவிடவில்லை. கொள்ளைக்காரர்களுடன் பூலான்தேவிக்கு தொடர்பு இருப்பதாக கிராம மக்களை தூண்டிவிட்டு புகார் செய்தான். இதனால் போலீஸ் பிடியில் பூலான்தேவி சிக்கினாள்.

சட்டம், நீதியை பாதுகாக்க வேண்டிய போலீசார் அங்கும் பூலான்தேவியிடம் நெறிமுறை தவறி நடந்தனர். கற்புக்கு மீண்டும் களங்கம் விளைவித்தனர். இப்படி பூலான்தேவியின் இளம் வயதில் வறுமை, பசி, பட்டினி, பலாத்காரம், போலீஸ் அடக்கு முறை போன்றவை மீண்டும் மீண்டும் தலைதூக்கின. எனவே இவற்றையெல்லாம் எதிர்த்து போராடவேண்டும் என்ற துணிச்சலை உள்ளத்தில் சவாலாக ஏற்றாள்.

பூலான்தேவி மீதான வழக்கு கோர்ட்டில் விசாரணைக்கு வந்தது. 15 வயதில் கொடூர தாக்குதல்களுக்கு அவள் ஆளாகி இருப்பதை உணர்ந்த நீதிபதி கருணை காட்டி அவளை விடுவிக்க உத்தரவிட்டார். ஓராண்டு உருண்டோடியது. திடீரென்று ஒருநாள் பாபு குஜார்சிங் என்ற கொள்ளைக்காரன் பூலான்தேவியை கடத்திச்சென்றான். அந்த கொள்ளைக் கும்பலில் இருந்தபோதுதான் பூலான்தேவி குதிரை ஏற்றம் மற்றும் துப்பாக்கியால் குறி தவறாமல் சுடும் பயிற்சியை பெற்றாள்.

அந்த கொள்ளை கும்பலில் இருந்த விக்ரம்மல்லா என்பவன் அவளுக்கு மிகவும் பாதுகாப்பாக இருந்தான். அவர்களுக்குள் காதல் மலர்ந்தது. கொள்ளை கும்பல் தலைவன் பாபு குஜர்சிங் கொல்லப்பட்டான். விக்ரம் கொள்ளைக்கூட்டத்துக்கு தலைவனாகி பூலான்தேவியை திருமணம் செய்தான்.

இந்த சந்தர்ப்பத்தில் பூலான்தேவி தன்னுடைய முதல் கணவன் புட்டிலாலை சந்தித்து பிரம்பால் அவனை அடித்து தனது ஆத்திரத்தை தீர்த்துக்கொண்டாள். இதன் பிறகே பூலான்தேவி முழு அளவில் கொள்ளைக்காரியாக மாறினாள். விக்ரம்மல்லா உதவியோடு தனக்கு தீங்கு செய்தவர்களை ஒருவர் பின் ஒருவராக தீர்த்து கட்டினாள். ஆனாலும் அவளுடைய ஆத்திரம் தணியவில்லை.

இந்த நிலையில் 1980_ம் ஆண்டு ஆகஸ்டு 13_ந்தேதி கொள்ளை கோஷ்டிகளுக்குள் மோதல் ஏற்பட்டது. இதில் விக்ரம் மல்லா கொல்லப்பட்டான். இதனால் பூலான்தேவி மீண்டும் தனிமைப்படுத்தப்பட்டாள். தாகூர் வகுப்பைச் சேர்ந்த சிலர் பூலான்தேவியை சிறை பிடித்து சென்றனர். அவளது கற்பை சூறையாடினார்கள். பிறகு கிராமவாசிகள் உதவியுடன் காட்டுக்குள் தப்பித்துச் சென்றாள், பூலான்தேவி.

விக்ரம் மல்லாவை கொன்றவர்களை பழிக்குப்பழி வாங்க துடித்த பூலான்தேவி, மான்சிங் என்ற கொள்ளைக்காரனுடன் இணைந்து ஒரு புதிய கொள்ளைக் கூட்டத்தை உருவாக்கினாள். 1981_ம் ஆண்டு பிப்ரவரி 14_ந்தேதி வடக்கு டெல்லி அருகேயுள்ள பிக்மாய் என்ற கிராமத்துக்கு தனது கொள்ளை கோஷ்டியுடன் சென்றாள். விக்ரம் மல்லாவை கொன்றவர்களுக்கு அந்த கிராமவாசிகள் தஞ்சம் அளித்தனர் என்று குற்றம் சாட்டினாள்.

அந்த கிராம மக்கள் "எங்களுக்கு எதுவுமே தெரியாது" என்று எவ்வளவோ கெஞ்சியும் பூலான்தேவி அந்த கிராமவாசிகளை வரிசையில் நிற்க வைத்தாள். குருவியை சுடுவதுபோல் சுட்டாள். அதில் 22 பேர் துடிதுடித்து செத்தார்கள். 8 பேர் கை_கால்களை இழந்தார்கள்.

இந்த கொலை சம்பவம் இந்தியா முழுவதையும் உலுக்கியது. பூலான்தேவியை பற்றிய செய்தி நாடு முழுவதும் பரவியது. அது மட்டுமல்ல உத்தரபிரதேச அரசியலில் பெரும் திருப்பத்தை ஏற்படுத்தியது. உத்தரபிரதேச முதல் மந்திரியாக இருந்த வி.பி.சிங் 1982_ல் பதவியை ராஜினாமா செய்தார்.

உத்தரபிரதேசம், மத்திய பிரதேசம் ஆகிய இரு மாநில போலீஸ் படைகளும் உஷார் படுத்தப்பட்டன. காடுகளில் புகுந்து பூலான்தேவியை வேட்டையாடினார்கள். ஆனாலும் அவள் சிக்கவில்லை.

பூலான்தேவியை உயிருடனோ, பிணமாகவோ கொண்டு வந்தால் ரூ.2 லட்சம் பரிசு வழங்கப்படும் என்று அறிவிக்கப்பட்டது. போலீஸ் கண்ணில் படாமல் திரிந்த பூலான்தேவி அப்போதும் தனது எதிரிகளை தீர்த்துக்கட்டியபடியே இருந்தாள்.

நேபாளத்துக்கு அவள் தப்பி ஓடிவிட்டதாக பேசப்பட்டது. ஆனாலும் கொஞ்ச நாளிலேயே அவள் உ.பி.க்குள் திரும்பினாள். 1982_ம் ஆண்டு டிசம்பரில் ஜலான் மாவட்டத்தை சேர்ந்த 3 மிராசுதாரர்களை கடத்திச்சென்றாள். இதுவே அவள் கடைசியாக அரங்கேற்றிய தாக்குதலாகும்.

பூலான்தேவி மீது கொலை, கடத்தல், கொள்ளை, சூறையாடல் என்று 48 பெரிய குற்ற வழக்குகள் பதிவாகி இருந்தன. வடமாநிலங்களையே குலைநடுங்க வைத்த பூலான் தேவி குள்ளமான பெண் ஆவாள். அவளது உயரம் 4 அடி 10 அங்குலம் மட்டுமே.

ஆனால் அவளது தோற்றம் கம்பீரமாக இருந்து வந்திருக்கிறது. குதிரை மீது ஏறி அவள் வலம் வந்தால் அந்த சுற்று வட்டாரமே நடுங்கும். கிராமவாசிகள் மண்டியிட்டு வணக்கம் செலுத்துவார்கள். காக்கி நிற உடையில் நெற்றியை சுற்றி சிவப்பு நிற ரிப்பனை கட்டியிருப்பது அவளுடைய தனி முத்திரையாகும்.

எப்போதும் தோளில் துப்பாக்கி தொங்கிக் கொண்டிருக்கும். துப்பாக்கி தோட்டா (குண்டுகள்) "பெல்ட்" உடம்பை சுற்றி காட்சி தரும்.

பிரபாகரன் உயிருடன் இருப்பதற்க்கான சாத்தியங்கள்

2010-01-22T18:35:00.001+05:30

இந்த வாரம் வெளியான விகடனில் தலைவன் இருக்கின்றான் என்ற தலைப்பில் வந்த கட்டுரையில் சில பகுதிகள்;

பிரபாகரனை அழித்துவிட்டேன் என்பதுதான் மகிந்தாவின் செல்வாக்கை சிங்களவர் மத்தியில் உயர்த்தியது.தொண்ணுறு சதவித மக்களுக்கு சந்தோசத்தை தரகூடிய அந்த செய்தியை சொல்லி வாக்குகள் தேட ஏன் மகிந்தா முயற்சிக்க வில்லை?
புலிகளின் அச்சுறுத்தல் இன்னும் ஓயவில்லை 'என்று மகிந்தா சொன்னதாக சிங்கள பத்திரிக்கை திவயின சொல்கிறது ..

பிரபாகரனின் அம்மா பார்வதியை, திருமா சந்தித்த போது ,தம்பி நலமாக இருக்கிறார், என்னை கனடாவில் சந்திப்பதாக சொல்லியிருக்கிறார் என கூறியுள்ளார். இது ஈழ தமிழர்கள் மத்தியில் ஆர்வத்தை உண்டு பண்ணியிருப்பதை மறுக்க முடியாது

ராஜீவ் கொலை வழக்கு தொடர்பான விசாரணைக்கு பிராபகரன் பொட்டு அம்மான் ஆகியோரின் மரண சான்றிதழ்களை ஒப்படைப்பதாக பல்நோக்கு கண்காணிப்பு குழு சொன்னது ஆனால் இன்னும் தரவில்லை எதுவும் முற்றாக முடிந்துவிடவில்லை என்பதையே இந்த செய்திகள் காட்டுகின்றன.

பிரபாகரன் குறித்து கொழும்பு பத்திரிக்கை யாளர்கள் புது தகவல் ஒன்றை சொல்கிறார்கள் ..மே பதினேழாம் தேதி ,இன்னும் சில மணி நேரத்தில் அனைவரையும் முற்றாக அழித்து விடுவார்கள் என சேட்டிலைட் தொலைபெச்யில் அறிவித்த் கடற்படை தளபதி சூசை யிடம் ,தலைவர் என்ன ஆனார் என எதிர்தரப்பில் இருந்து பேசியவர் கேட்டபோது ,தலைவர் பத்திரமாக இருக்கிறார் ’’என்று சொல்லி இருக்கிறார்..’’தலைவரை பாதுகாப்பான இடத்திற்க்கு கொண்டு போக நாங்கள் அனைவரும் சொன்னபோது அவர் மறுது விட்டார் .அவர் சம்மதிக்க வில்லையானால் மயக்க மருந்து கொடுத்தாவது கடத்தி சென்று விடுவோம் ‘என்று பொட்டு அப்போது சொன்னார் .என்று அங்கிருந்து தப்பி வந்த போராளி ஒருவர் இணையதளம் ஒன்றில் எழுதி இருக்கிறார் ..

’நாங்கள் கடைசியாக பார்த்த அன்று ,தலைவர் ஹெல்மட் அணிந்து இருந்தார் தலைவரும்,பொட்டுவும் ஜீப்பில் வந்தார்கள்.என்று சொல்கிறார் அவர்.ஜீப்பில் வந்தார் என்றால் இரண்டு ,மூன்று கிலோமீட்டராக குறுக்க பட்ட காலமாக இருக்க வாய்ப்பில்லை..சில பல மாதங்களுக்கு முன்பாகவே இருக்க முடியும்

அப்படியானால் சிஙகள ரானுவம் காட்டும் உடல் யாருடையது..?போராளி விமலன் உடல்தான் அது.பிரபாகரன் போலவே உருவ ஒற்றுமை கொண்ட வர் விமலன் என்பது போராளிகள் அனைவருக்கும் தெரியும்.
பொட்டு அம்மானே இது போன்ற திசை திருப்பும் காரியங்களை அழகாக செய்ய கூடியவர் என்பதால் இது அவர் வேலையாகவும் இருக்கலாம்

வீட்டுக்கு ஒருவரை போராட்டத்திற்க்கு தர வேண்டும் என முடிவான போது ,பிரபகரன் தன்னை பலியிடவே விரும்பினார் ஆனால் சூல்னிலை மாறி,’’போரை துவங்க நீங்கள் இருந்தாகவேண்டும் என வற்புறுத்தப் பட்டது எனவே அதுவரை கிழக்கு மகாண காடுகளில் இருந்த சார்லச் ஆண்டனி முல்லை தீவுக்கு வரவ்ழைக்க பட்டார்

அவதார் -குமுதம் விமர்சனம்

2010-01-01T10:44:00.004+05:30

குமுதம் இதழில் இந்த வாரம் வெளிவந்த அவதார் விமர்சனம் சுருக்கமாகவும் .நச் என்றும் இருந்தது ...சில புள்ளிவிபரங்களும் சுவாரஸ்யமாக இருந்தது ..ஆங்கில படங்களுக்கும் தமிழ் படம் போல விமர்சனங்கள் வெளிவர ஆரம்பித்து விட்டன ..இது ஆரோக்யமான போட்டிக்கு வழிவகுக்கும் என்றே கருதுகிறேன் .
வேட்டைக்காரன் போல கிறுக்குத்தனமான படங்களுக்கு நடுவே ..இந்த படங்களையும் பாமர மக்கள் பார்த்தால்தான் ...வேட்டைக்காரன் ஜாதி இயக்குனர்களின் திறமை லச்சணம் புரியும்.
கமல் எனும் அறிவு ஜீவி விட பெரிய அறிவாளிகள் பாட்டன்கள் உலகத்தில் இருக்கிறார்கள் என்பது புரியும்.
ரஜினி ,பொழுது போக்குக்கும் கதைக்கும் முக்கியத்துவம் கொடுப்பவர் ..பாமர மக்களின் வாழ்வு முறையை ..ஒட்டி எடுக்கபடுவதால் அவர் படங்கள் ஓடுகின்றன.ஆஸ்கர் அவர் எதிர் பார்ப்பது இல்லை. என்பது என் கருத்து

ஆயிரத்தில் ஒருவன் சினிமா விழாவில் கமல் பேசும்போது ,ஹாலிவுட் படம் போல எடுத்திருக்காங்க என்று பேசாதீர்கள் அவரை விட நாம் திறமை சாலிகள் என்றார் ..அப்படி ஹாலிவுட்டை விட திறமையாக என்ன செய்தார் என்று புரியவில்லை .இவர் இருக்க வேண்டிய இடமே வேறு என்று சிலர் சொல்வார்கள் ..இவர் இல்லாத ஹாலிவுட்டில் தான்... நடிகனே தேவைபடாமல் அவதார் கோடி கோடியாய் கொட்டிகொண்டிருகிறது .அங்கு இயக்குனர் மாத்திரமே நிற்கிறார் .

கமல் இந்தியாவை தவிர எங்கும் பொய் கிழிக்க முடியாது.ஏன் இந்தி சினிமாவில் கூட முயற்சி செய்து கோடிகணக்கில் பணம் அள்ளும் திறமை கமலுக்கு உண்டா ... சில திறமையான இயக்குனர்களால் தானே இவர் இவ்வளவு உயரத்திற்கு வந்தார் .இவர் இயக்கம் எப்படி இருக்கும் என்று நமக்கு தெரியாதா ..பொண்டாட்டி அல்லது மகளை எவானாவது நடுரோட்டில் கற்பழிப்பான் அதை பார்த்து இவர் ஒ என்று அழுவார் இதுதான் நடிப்பாம் ..எனக்கு அன்பே சிவம் பிடிக்கும்.
கமல் தனது தயாரிப்பாளர்களுக்கு நிறைய சம்பாதித்து தர வேண்டும் .அதற்காக நடிகை தொடை காட்டியோ ,,அவள் வாயில் முத்தம் தந்து சம்பாதித்து தரட்டுமா என்று அவர் கேட்பார் .அவதார்.,ருத்ரம் போன்ற படங்கள் அப்படி சம்பாதிக்க வில்லை
அப்படி நிறைய சம்பாதிக்கும் படங்களை அவர் தந்தபின் ஹாலிவுட்டை விட நாம் பெரிய ஆள் என்று சொல்லலாம் ....இங்கு அந்த அளவு பொருளாதார வசதி இல்லை என்று அவர் சொல்லலாம் .சங்கர் அதற்க்கு உதாரணமாக இருக்கிறார்.செல்வராகவன் இருக்கிறார் .இவர்களோடு இணைந்து பெரிதாக தமிழ் சினிமாவை விஸ்தரிக்கலாம் .ஆனால் அவர்களை வேலை செய்ய விடாமல் இவர் கடும் தொந்தரவு தருவார் ...இவர் ஒரு மாதிரி சைகோ என நினைக்கிறேன் ..தசா அவதாரம் என்ற பெரிய படத்தை எடுத்து விட்டேன் என்று நினைத்தேன் .ஆயிரத்தில் ஒருவன் ட்ரைலர் பார்க்கும் போது நான் கத்துக்கவேண்டியது இன்னும் நிறைய இருக்கு ன்னு நின்னைக்கிறேன் என ரவிக்குமார் தன்னடக்கத்தோடு சொல்ல ,கமல் அவரை முறைத்த முறைப்பு இருக்கே அப்பா...
அவதார் -குமுதம் விமர்சனம் படிக்க கிளிக் செய்யவும்

இந்தியர்களின் அந்த கால வயர்லெஸ் தொழில்நுட்பம்

2009-10-19T14:33:00.000+05:30

இந்தியர்களின் அந்த கால வயர்லெஸ் தொழில்நுட்பம்

அமெரிக்கர்கள் பூமிக்குக் கீழே தோண்டிக்கொண்டு போனார்கள். 500 அடி ஆழத்தில் மின்சார கேபிள்கள் கிடைத்தன. உடனே அவர்கள் அறிவித்தார்கள், “எங்களது முன்னோர்கள் மின்சாரத்தை பல நூற்றாண்டுகளுக்கு முன்னரே பயன்படுத்தியிருக்கிறார்கள்.”

இரஷ்யர்கள் அவர்கள் நாட்டில் பூமிக்குக் கீழே தோண்டிக்கொண்டு போனார்கள். 500 அடி ஆழத்தில் டெலிபோன் கேபிள்கள் கிடைத்தன. அவர்கள் சொன்னார்கள், “எங்களது முன்னோர்கள் அந்தக் காலத்திலேயே டெலிபோனை பயன்படுத்தியிருக்கிறார்கள்.”

இந்தியர்களும் தோண்டினார்கள். 1000 அடி தாண்டியும் ஒன்றும் கிடைக்கவில்லை. உடனே அறிவித்தார்கள், “எங்களது மூதாதையர் வயர்லெஸ் தொழில்நுட்பத்தைப் பயன்படுத்தியிருக்கிறார்கள்

உதவி

திரு குமரன்

வியாழன், 06/08/2009 - 6:36pm — kumaran

tamil2friends com

படித்ததில் பிடித்தது!

2009-04-05T12:26:00.001+05:30

பொங்கி வரும் காவேரி என
பொங்கட்டும் புது வாழ்வு
சீறிவரும் காளைபோல
சிரிக்கட்டும் புது வருடம்

வருகின்ற மகிழ்ச்சிகளை
மூளையில் வைப்போம்
வந்த துன்பங்களை
மூலையில் வைப்போம்

வீசுகின்ற தென்றலுக்கு
ஜன்னல் திறப்போம்
வீசிய சூறாவளிக்கு
வாதில் அடைப்போம்

வருகின்ற காலம்
வசந்த காலம் ஆகட்டும்
வீசுகின்ற காற்றெல்லாம்
தென்றல் காற்றாகட்டும்

வருகின்ற மழையால்
மரங்களெல்லாம் சிரிக்கட்டும்
வருடுகின்ற மகிழ்ச்சியால்
மனமெல்லாம் மகிழட்டும்

வருகின்ற புத்தாண்டு
புத்துணர்ச்சி கொடுக்கட்டும்
காழ்ப்புணர்ச்சி இல்லாமல்
விழிப்புணர்ச்சி உண்டாகட்டும்

கையில் காசு வைத்திருப்போர்
இல்லாதவர் பையில் வையுங்கள்
பையில் வைத்திருப்போர்
இல்லாதவர் கையில் கொடுங்கள்

கட்டுகின்ற கட்டிடமெல்லாம்
கல்விமையம் ஆகட்டும்
தீட்டுகின்ற திட்டமெல்லாம்
திறன்பட செயல்படட்டும்

சாதி மதம் இல்லையென
சான்றிதல் கொடுப்போம்
சமத்துவம் ஒன்றேயென
தம்பட்டம் அடிப்போம்

வறுமையே இல்லை என
வாழ்த்திடலாம் வாருங்கள்
திறமை இருக்கும் இடத்தை
போற்றிடலாம் வாருங்கள்

அநாதை இல்லங்களை
அரவணைக்க வாருங்கள்
ஊனமுற்ற குழந்தைகளுக்கு
ஊக்கம் கொடுக்க வாருங்கள்

அன்பிருக்கும் இடத்தை
ஆதரிப்போம் வாருங்கள்
குணம் இருக்கும் இடத்தை
கும்பிடலாம் வாருங்கள்

முதியோர் இல்லங்களை
மூட வைப்போம்
பெற்றோரை விரட்டியடித்த
மூடர்களை முதுகில் அடிப்போம்

பெற்ற தாய்க்கு
பெருமை சேர்ப்போம்
நற்ற மரக்கன்றை
நாளும் வளர்ப்போம்

கல்வி கற்றவரை
அரசியலுக்குத் தேர்ந்தெடுப்போம்
குடும்ப அரசியலுக்குக்
கொல்லிப் போடுவோம்

கலை வளர்க்கும்
கலைஞர்களை ஊக்குவிப்போம்
கொலை செய்யும் வெறியர்களை
கூண்டோடு அழிப்போம்

வேலையில்லாத திண்டாட்டத்தை
வேரறுக்க செய்திடுவோம்
பட்டினிஇல்லாத பாரதத்தை
பரந்து விரியச்செய்வோம்

நோயுற்றுக் கிடப்போரை
நோகாமல் கவனித்திடுவோம்
பாய் எனக் கிடப்போரை
பரம்பால் புடைத்திடுவோம்

இல்லம் இல்லாதவர்க்கு
இருக்க இடம் கொடுப்போம்
கல்வி கல்லாதவர்க்கு
கல்வி கற்றுக்கொடுப்போம்

படிக்காதவர்களே இல்லை என
பறை சாற்றிடுவோம்
இல்லாதவர்களே இல்லை என
இதயம் திறந்து சொல்லிடுவோம்

நிழல் தரும் மரங்களை
நெடுகெங்கிலும் வைப்போம்
நிஜம் சொல்லும் மனிதர்களை
நெஞ்சத்தில் வைப்போம்

சுவை தரும் கனியை
தினம் தோறும் உண்போம்
சுகம் தரும் பாடலை
தினம்தோறும் கேட்போம்

நண்பர் ராஜாவின் கவிதைகள்

கலைஞரே ...இனிமேல் நீங்க‌ள் போடுவ‌து எல்லாமே த‌ப்புத்தாள‌ங்க‌ள்தான்!

2009-03-07T18:59:00.000+05:30

திமுக‌வையும் காங்கிர‌சையும் வேரோடும், வேர‌டி ம‌ண்ணோடும் சாய்க்க‌ப் போகும் துவ‌க்க‌ம‌ல்லவா இது?

ஆல்பர்ட்

இந்தி எதிர்ப்புப் போராட்ட‌ம் ந‌ட‌ந்த‌போது என் த‌ந்தை த‌லைமை ஆசிரிய‌ர். அவரே மாண‌வ‌ர்க‌ளை போராட்ட‌த்தில் இற‌ங்க‌ உற்சாக‌ப்ப‌டுத்தினார். மாண‌வ‌ர்க‌ளோடு நானும் சேர்ந்து ப‌ஸ் ம‌றிய‌லில் ஈடுப‌ட்ட‌போது இட்ட‌ கோச‌ங்க‌ள் எல்லாம் இப்போது நினைவில் இருக்கிறது.

நானே, "ப‌க்த‌வ‌ச்ச‌ல‌க் குர‌ங்கே ப‌த‌வியைவிட்டு இற‌ங்கு" என்று தொண்டை கிழிய‌க் க‌த்தியிருக்கிறேன். அதுபோன்ற‌தொரு நிலை விரைவில் வ‌ரும்போலிருக்கிற‌து. போலிருக்கிற‌து என்ன‌ வ‌ரும்! க‌ருணாநிதியே ப‌த‌வி உன‌க்கு ஒரு கேடா? ப‌தவியைவிட்டு இற‌ங்கு என்று கோச‌ம் எழும்பும் நாள் வெகு தூர‌த்தில் இல்லை என்றே தோன்றுகிற‌து.

அன்று இற‌ங்கிய‌ காங்கிர‌சு இன்னும் எழ‌முடியாம‌ல் திராவிட‌க் க‌ட்சிக‌ளின் முதுகிலும் தோளிலும் மாற்றி மாற்றி தொட‌ர்ந்து இன்றுவ‌ரை ச‌வாரி ந‌ட‌த்திக்கொண்டிருக்கிற‌து. இதே நிலை திமுக‌ பெற்றிட‌ப்போகும் அறிகுறிக‌ள் தென்ப‌ட‌த் துவ‌ங்கிவிட்ட‌ன.

அர‌சிய‌ல் க‌ட்சிக‌ள் இடும் கோச‌ம் வேறு! அமைப்புக‌ள் இடும் கோச‌ம் வேறு! இது மாண‌வ‌ர்க‌ளால், பொதும‌க்க‌ளால் ஒரு எழுச்சியோடு உத்வேக‌த்தோடு இப்போது கிள‌ம்பியிருக்கிற‌து. கோவை அரசு சட்டக்கல்லூரி மாணவர்கள், கோவை காந்திபுரத்தில் தொடர் உண்ணாவிரத போராட்டம் நடத்தி வருகின்றனர். இந்தநிலையில், ‘பிரதமர் மன்மோகன்சிங், சோனியா, பிரணாப்முகர்ஜிக்கு எதிராக கோஷமிட்டு அவர்களது படங்களைத் தீ வைத்து எரித்தனர். அதோடு இல்லாமல் 2 காங்கிரஸ் கொடியையும் தீ வைத்து எரித்தனர்’ என்ற செய்தியைப் படிக்கும்போது காங்கிரசின் இரட்டைவேடம் அறிந்து மாணவர்கள் விழிப்படைந்து விட்டதையே காட்டுகிறது.

மாண‌வ‌ர்க‌ள் ம‌ட்டுமில்லை, தொழிலாள‌ர்க‌ள், பொதும‌க்க‌ள் என்று மெல்லமெல்ல களம் காணத் துவங்கிவிட்டனர். கன்னியாகுமரி சின்னமுட்டம் மீன்பிடித் துறைமுகத்தில் உள்ள விசைப் படகு மீனவர்கள் வேலை நிறுத்தம் செய்தனர். வேலை நிறுத்தம் காரணமாக இங்குள்ள 350க்கும் மேற்பட்ட விசைபடகுகள் கடலுக்கு செல்லவில்லை. இந்த‌த் த‌மிழுண‌ர்வு கொழுந்துவிட்டு எரிய‌த்துவ‌ங்கிவிட்ட‌து ப‌ல‌நிலைக‌ளிலும்!

என்றைக்காவ‌து சிறைச்சாலைக் கைதிக‌ள் உண்ணாவிர‌த‌ம் இருந்த‌தாக‌ த‌மிழ‌க‌த்தில் வ‌ர‌லாறு உண்டா? இதோ வ‌ர‌லாறு ப‌டைத்துவிட்டார்க‌ளே! மத்திய சிறைச்சாலையின் 1-ம் எண் பிரிவில் அடைக்கப்பட்டுள்ள தண்டனைக் கைதிகள் 750 பேர், இலங்கைத் தமிழர்களைப் பாதுகாக்க மத்திய, மாநில அரசுகள் நடவடிக்கை எடுக்க வலியுறுத்தி அடையாள உண்ணாவிரதப் போராட்டத்தில் ஈடுபட்டனரே. மாலையில் இலங்கைத் தமிழர்களுக்கு ஆதரவாக கோஷங்களை எழுப்பிய‌பின் தங்களது உண்ணாவிரதத்தை முடித்துக் கொண்டனரே. இது எந்த‌க்கால‌த்தில் ந‌ட‌ந்திருக்கிற‌து? இனிமேல் அர‌சிய‌ல்வாதிக‌ளை ந‌ம்பிக்கொண்டிருந்தால் த‌மிழ‌ன் என்ற‌ ஒரு இன‌த்தையே அழித்து ஒழித்துவிடும் அபாய‌த்தை தமிழர்கள் உண‌ர‌த் துவ‌ங்கிவிட்ட‌ன‌ர்.

இலங்கைத் தமிழர் பிரச்னைக்காக தீரன் முத்துக்குமார் தீக்குளித்தார். இதையடுத்து மாநிலம் முழுவதும் மாணவர்கள் ஊர்வலம், உண்ணாவிரதம், வகுப்பு புறக்கணிப்பு ஆகியவற்றை தீவிரப்படுத்தியுள்ளனர். இத‌னை உண‌ர்ந்த‌ அர‌சு உட‌னே தமிழகத்தில் உள்ள அரசு, தனியார் கல்லூரிகள் மற்றும் விடுதிகளை காலவரையின்றி மூட தமிழக அரசு தலைமைச் செயலர் ஸ்ரீபதி, சனிக்கிழமை உத்தரவிட்டுள்ளார். கல்லூரி மாணவர்களிடையே அமைதியின்மை நிலவுவதால் இந்த உத்தரவு பிறப்பிக்கப்படுவதாக அவர் தெரிவித்துள்ளார்.

மாண‌வ‌ர்களுக்கு விடுமுறை விட்டுவிட்டால் பிர‌ச்னை அட‌ங்கி க‌ட்டுக்குள் வ‌ந்துவிடும் என்று கோபால‌புர‌த்தார் க‌ண‌க்கிட்டுக் கொண்டிருக்கிறார். அந்த‌ப் ப‌க‌ற்க‌ன‌வு ப‌லிக்க‌ப்போவ‌தில்லை. இதுதான் துவ‌க்க‌ம் என்ப‌தை அறியாம‌லே ப‌ய‌த்தில் ஏதேதோ செய்கிறார். அனைத்தும் அவ‌ருக்கு எதிராக‌வே ப‌ள்ள‌ம் ப‌றிக்க‌ப்போகிற‌து என்ப‌தை உண‌ரும்போது அவ‌ர் ப‌த‌வியில் இருக்க‌ப்போவ‌தில்லை!

சீமான் பேசுகிறார், கொள‌த்தூர் ம‌ணி பேசுகிறார், கைது செய்து சிறையில் அடையுங்க‌ள் என்று ஒரு காங்கிர‌சு எம்.எல்,ஏ., அறிக்கை விட்டுவிட்டால் போதும்; பிடித்து உள்ளே போடு என்று உள்ளே போட்டுக்கொண்டிருக்கிற‌ கோபால‌புர‌ம் நேற்று முத்துக்குமார் ஊர்வ‌ல‌த்தில் முழுக்க‌ முழுக்க‌ புலிக‌ள் கொடிக‌ளாக‌, பிர‌பாக‌ர‌னின் ப‌ட‌ங்க‌ளை ஏந்திய‌வ‌ர்க‌ளாக‌ இருந்தார்க‌ளே! அவ்வ‌ள‌வு பேர்க‌ளையும் கைது செய்து காங்கிர‌சுக்கு த‌ன‌து ராஜ‌விசுவாச‌த்தைக் கோபால‌புர‌த்தார் காட்டியிருக்க‌லாமே! காட்டியிருந்தால் போரூர் ம‌ருத்துவ‌ம‌னையிலிருந்து அவ‌ர் கோபால‌புர‌த்துக்குத்தான் போயிருக்க‌ முடியும் கோட்டைக்குப் போயிருக்க‌ முடியாது!

இது அவ‌ருக்கும் தெரியும். அத‌னால்தான் திர‌ளும் மாண‌வ‌ர் ச‌முதாய‌த்தை விடுமுறைவிட்டு அட‌க்கி ஒடுக்கிவிட‌லாம் என்ற தப்புக் கணக்கு போட்டிருக்கிறார். விடுமுறைவிட்டால் அது அவ‌ர்க‌ள் இன்னும் ப‌டு உற்சாக‌த்தோடு இன்னும் ப‌ல‌ம‌ட‌ங்கு தீர‌த்தோடு கிள‌ர்ந்தெழுவார்க‌ள் என்ற‌ சிறுவிப‌ர‌த்தை கால‌ம் அவ‌ருக்குப் புரிய‌வைக்கும்!

முத்துக்குமார் உடல் கொண்டு செல்லப்பட்ட வாகனத்தில் விடுதலைப் புலிகள் தலைவர் பிரபாகரனின் படங்கள் வைக்கப்பட்டிருந்தன. பிரபாகரனின் படங்கள் அடங்கிய தட்டிகளை ஏந்தி பல்வேறு அமைப்பினர் ஊர்வலத்தில் முழக்கங்கள் எழுப்பினர். தமிழீழம் அமைந்தே தீரும் என்றும், ஈழம் வாழ்க என்றும், மேதகு பிரபாகரன் வாழ்க என்றும் தொடர்ந்து முழக்கங்கள் எழுப்பப்பட்டன. விடுதலைப் புலிகள் அமைப்பை ஆதரித்தும் தொடர் முழக்கங்கள் எழுப்பப்பட்டன. சட்டக்கல்லூரி மற்றும் மருத்துவக்கல்லூரி மாணவர்களும் புலிகள் ஆதரவு முழக்கங்கள் எழுப்பிச் சென்றனர். முத்துக்குமாரின் மரணத்திற்குப் பிறகு ஈழ ஆதரவை வெளிப்படையாக மீண்டும் வெளிப்படுத்தியதை அதிகமாகக் காண முடிந்தது.

அரசியல்வாதிகளிடையே ஒற்றுமையின்மையால்தான் இலங்கைப் பிரச்னைக்குத் தீர்வு காணப்படவில்லை. எனவே எந்த அரசியல்வாதியும் முத்துக்குமாரின் உடலுக்கு அருகில் செல்லக் கூடாது. நாங்களே பார்த்துக் கொள்கிறோம் என்று சட்டக் கல்லூரி மாணவர்கள் கோஷம் எழுப்பியபடி இருந்தது அரசியல்வாதிகளை இனியும் நம்பக்கூடாது என்ற அளவுக்கு தெளிவான முடிவோடு துடித்தெழுந்துவிட்டது துல்லியமாகத் தெரிகிறது. இதிலிருந்து நாம் என்ன‌ தெரிந்துகொள்கிறோம்? இதுவ‌ரை ம‌ன‌துக்குள் குமுறி உள்ளுக்குள்ளேயே க‌ன‌ன்றுகொண்டிருந்த‌ நெருப்பு சுவாலை விட்டு திபுதிபுவென‌ எரிய‌த் துவ‌ங்கிவிட்ட‌து.

அதும‌ட்டுமில்லை ந‌ண்ப‌ர்க‌ளே, வழி நெடுகிலும் நின்று அஞ்சலி செலுத்திய பொதுமக்களில் பலரும் பிரபாகரன் படத்தைப் பிடித்திருந்தனர். குழந்தைகள் கைகளிலும் பிரபாகரன் படமும், புலிக்கொடியும் காணப்பட்டன. என்ன‌ செய்ய‌ப் போகிறார்க‌ள் காங்கிர‌சுக்க‌ட்சி ந‌ண்ப‌ர்க‌ள்? ஏதோ ஒரு த‌னிக்க‌ட்சி உத‌ய‌மான‌து போல... விடுத‌லைப்புலிக‌ள் க‌ட்சி இங்கே உத‌ய‌மாகிவிட்ட‌து போல..... ஒரு எழுச்சிய‌ல்ல‌வா இது! இது திமுக‌வையும் காங்கிர‌சையும் வேரோடு,வேர‌டி ம‌ண்ணோடும் சாய்க்க‌ப்போகும் துவ‌க்க‌மல்லவா?

இந்த காட்சிகளைக் கண்டும், முழக்கங்களைக் கேட்டும் மகிழ்ச்சியடைந்த ஈழ ஆதரவாளர்கள், முத்துக்குமார் விருப்பம் ஓரளவு நிறைவேறியிருக்கிறது என கருத்துக்களை பலர் காதுபட உரக்கச் சொல்லி மகிழ்ந்த தகவல் கிடைத்தது!

"தமிழகத்தில் கடந்த 2 நாட்களாக சோனியா காந்தி, பிரதமர் மன்மோகன்சிங் உருவ பொம்மைகளையும், காங்கிரஸ் கட்சியின் கொடிகளையும் எரித்து வருகின்றனர். அவர்களை தேசிய பாதுகாப்புச் சட்டத்தின் கீழ் தமிழக அரசு கைது செய்ய வேண்டும்" என்று தங்கபாலு செய்தியாளர்களிடம் சொல்லிவிட்டார். இது காங்கிரசுக் கட்சியின் அடித்தளமே தமிழகத்தில் இல்லாமல் போகும் துவக்கத்துக்கான பூபாளம்!

“இலங்கைத் தமிழர்களுக்காக தீக்குளித்த ஒரு இளைஞரின் தியாகச் செயலை அரசியலாக்குவது காலம் காலமாக நாம் கட்டிக் காத்து வரும் பண்பாட்டுக்கே விரோதமானது. இலங்கைத் தமிழர்களின் பிரச்னையை மிக மலிவான விளம்பரத்துக்கு உள்ளாக்கிவிடக் கூடும் என்பதையும் ஆழ்ந்த வருத்தத்துடன் தெரிவித்துக் கொள்கிறேன்'' என்று கோபாலபுரத்தார் அறிக்கை ஒன்றை சொகுசாக‌ ம‌ருத்துவ‌ம‌னையில் ப‌டுத்துக்கொண்டே கூறி இருக்கிறார். தீர‌ன் முத்துக்குமார் எழுதிய‌ ம‌ட‌லில் கோபாலபுரத்தாருக்காக‌வே எழுதியிருந்த‌ வ‌ரிக‌ள் க‌ண்ணில் த‌ட்டுப்ப‌ட‌வில்லையா? கொஞ்ச‌ம் க‌ண்ணாடியைத் துடைத்துவிட்டு இன்னுமொரு முறை ஓய்வாக‌ப் ப‌டித்துப் பார்த்தால் அவ‌ருக்கு தெளிவாக‌த் தெரியும்.

“உலகத் தமிழினத் தலைவர் என்ற பட்டப்பெயரைச் சூடிக்கொள்ளவும், தமிழ்நாட்டில் இருக்கும் பணத்தையெல்லாம் தன் குடும்பத்திற்கே உரித்தாக்கவும் விரும்புகிற தேர்தல் காலத் தமிழர் கலைஞர், மக்களின் கோபத்தை எதிர்கொள்ள பயந்து மருத்துவமனையில் போய் ஒளிந்துகொண்டுள்ளார். தனது மந்திரிகளுக்கு அவசியப்பட்ட துறைகளுக்காக சண்டப்பிரசண்டம் செய்து சதிராடிய இந்த சூரப்புலி உண்மையில் தமிழுக்காகவோ, தமிழருக்காகவோ செய்ததென்ன? ஒருமுறை அவரே சொன்னார், ''தேனெடுத்தவன் புறங்கையை நக்காமலா இருப்பா"னென்று. இவருடைய பம்மலாட்டத்தையெல்லாம் பார்த்தால் ரொம்பவே நக்கியிருப்பார் போலிருக்கிறேதே...!”

இதைவிட கோபாலபுரத்தாருக்கு யார் ஒரு நற்சான்றிதழை அளிக்க முடியும்? நீங்க‌ள் ரெண்டு இல‌ட்ச‌ம் ரூபாய் கொடுத்து அந்த இல‌ட்சிய‌ வீர‌னின் தியாக‌த்தையே திசைதிருப்பிவிட‌லாம் என்று ஒரு த‌ப்புக்க‌ண‌க்கு போட்டீர்கள்.

“கலைஞரா? நாடாளுமன்ற உறுப்பினர்கள் ராஜினாமா செய்வார்கள் என்று அப்பொழுதும் அவர் அறிவிப்பார். பிறகு, மத்திய அரசைப் புரிந்துகொள்வார்(?!). பிறகு மறுபடி சரியான முடிவை எடுக்க வேண்டி சட்டமன்றத்தில் தீர்மானம் நிறைவேற்றுவார் ....”

இதுவும் முத்துக்குமார் க‌டித‌த்தின் வ‌ரிக‌ள்தான்.

திமுக‌வின் செய‌ற்குழு கூடியும் ஒன்றும் கிழிக்க‌ப்போவ‌தில்லை என்ப‌தை முன்கூட்டியே "சொல்லுற‌தைச் சொல்லிப்புட்டேன்; செய்யிறதைச் செஞ்சுக்கங்க‌" என்று முத்துக்குமார் சொல்லாமல்... எழுதியே போய்விட்டார்.

-நன்றி -திரு ஆல்பர்ட் ,கீற்று இணைய சிற்றிதழ் கட்டுரை

எது அதிக வலியை தரும் துரோகம்!

2009-02-23T22:59:00.005+05:30

இதுவா

இல்லை..
.
.
.
.
.
.
.
.
.
.
.
இதுவா?

சும்மா லுலுலாயி

முகமது பின் துக்ளக்'-(1971)

2009-02-14T14:54:00.000+05:30

முகமது பின் துக்ளக்'-(1971)

.
. நடிகர் சோவின் நாடகக் குழு சார்பில் மிக வெற்றிகரமாக நடைபெற்ற நாடகம் "முகமது பின் துக்ளக்'. நாடகத்தில் இடம் பெற்ற அரசியல் சூடேற்றும் நையாண்டி வசனங்கள் ரசிகர்கள் மத்தியில் பெரும் வரவேற்பைப் பெற்றது. அதனால் அந்த நாடகத்துக்கு சென்றவிடமெல்லாம் ஆதரவு பெருகியது.வெற்றி பெற்ற இந்த நாடகத்தை சோவின் கதை வசனம் இயக்கத்தில் பிரஸ்டீஜ் புரொடக்ஷன்ஸ் திரைப்படமாகத் தயாரித்தது. படத்தில் கதாநாயகனாக (முகமது பின் துக்ளக் வேடத்தில்) சோ நடித்தார். மனோரமா, பீலி சிவம், நீலு ஆகியோருடன் சோ நாடகக் குழுவினர் நடித்தனர். 5.3.71 அன்று படம் வெளியானது. நாடகம் ஏற்படுத்திய பரபரப்பை திரைப்படமும் ஏற்படுத்த தவறவில்லை.

தவறான முடிவுகளை எடுத்துப் பின் அதை மீண்டும், மீண்டும் மாற்றி, மாற்றி உத்தரவுகளைப் பிறப்பித்ததாகக் கூறப்படும் முகலாய மன்னர் முகமது பின் துக்ளக், மீண்டும் உயிர் பெற்று வந்தால், என்னென்ன நடக்கும் என்பதை நகைச்சுவை கலந்த அரசியல் நையாண்டி வசனங்களுடன் சோ நன்றாக இயக்கியிருந்தார்.

அன்றைய காலகட்டத்தில் தமிழகத்திலும், அகில இந்திய அளவிலும் நிகழ்ந்த அரசியல் நிகழ்வுகளை படத்தில் நையாண்டி வசனங்கள் மூலம் சாடியிருந்ததை ரசிகர்கள் பெரிதும் ரசித்தனர். துக்ளக் அதிரடியாக அறிவிக்கும் அறிவிப்புகளால் என்னென்ன விளைவுகள் ஏற்படுகின்றன என்பதைப் படம் விளக்கியது. சமகால அரசியல் நிகழ்வுகளைப் போல படத்தின் காட்சிகள் இடம் பெற்றிருந்ததால், ஆளும் கட்சியினரிடமிருந்து படத்தை தடை செய்ய வேண்டும் என்ற கோரிக்கைகள் எழுந்ததாம்.

துக்ளக் ராஜ்ஜியத்தில் எம்.பி.க்கள் அனைவரும் மந்திரிகள், ஏதாவது ஒரு காரணத்தைச் சொல்லி மந்திரிகள் வெளிநாட்டுப் பயணம் மேற்கொள்வது, சின்னச்சின்ன விஷயங்களுக்கெல்லாம் ஆடம்பர விழாக்கள் நடத்துவது, தனக்குத் தானே பட்டங்கள் சூட்டிக் கொள்வது போன்றவை சில உதாரணங்கள்.

படத்திற்கு எம்.எஸ். விஸ்வநாதன் இசையமைத்தார். வாலி எழுதிய பாடல்களில்
"அல்லா அல்லா
நீ இல்லாத இடமேயில்லை
நீதானே உலகின் எல்லை', என்ற பாடல் சூப்பர்ஹிட் ஆனது. பாடலை எம்.எஸ்.விஸ்வநாதனே பாடியது ரசிகர்களைக் கவரக் காரணம் ஆகும். அவர் பாடிய இரண்டாவது பாடலாகும் இது. அதற்கு முன்பு "வெள்ளிவிழா' படத்தில் இடம் பெற்ற
"உனக்கென்ன குறைச்சல் நீ ஒரு ராஜா
வந்தால் வரட்டும் முதுமை' என்ற பாடல்தான் அவர் பாடிய முதல் முழுநீளப் பாடலாகும். அதுவும் வி. குமாரின் இசையமைப்பில் அந்தப் பாடலை அவர் பாடினார். "அல்லா' பாடல் அவரது இசையமைப்பில் அவரே பாடிய முதல் முழு நீளப் பாடல் என்பது குறிப்பிடத்தக்கது.

மேலும் இந்தப் பாடலை விஸ்வநாதன் பாடியது எப்படி என்பது ஒரு சுவையான கதையாகும். "அல்லா' பாடலை பிற பாடகர்களை வைத்துப் பாடவைக்க விஸ்வநாதன் விரும்பினார். ஆனால் இந்தப் பாட்டை விஸ்வநாதனே பாட வேண்டும் என்று சோ விரும்பினார்.

தயங்கிய விஸ்வநாதனை சமாதானப்படுத்தும் வகையில் சீட்டுக் குலுக்கி யார் பெயர் வருகிறதோ அவர்களுக்கு வாய்ப்பு அளிக்கலாம் என சோ கூற, விஸ்வநாதன் அதற்கு சம்மதித்தார். குலுக்கலில் விஸ்வநாதன் பெயர் வரவே, அவரே பாடலைப் பாடினார்.

அனைத்துச் சீட்டுகளிலும் விஸ்வநாதன் பெயரே இருந்த விவகாரம் அப்போது அவருக்கு தெரியாது. "முகமது பின் துக்ளக்' படத்தில் அரசியல் நெடி அதிகம் இருந்தாலும் நகைச்சுவை கலந்திருந்ததால் ரசிகர்களின் ஆதரவைப் பெற முடிந்தது. இந்தப் படத்துக்குக் கிடைத்த ஆதரவே சோ, பல படங்களை இயக்கக் காரணமானது.
பா. காசிவிஸ்வநாதன்

நன்றி-மாலைசுடர்

சில புகைப்படங்கள் (நான் எடுத்ததல்ல)

2009-01-05T20:18:00.007+05:30

போட்டோகாரர்களின் சிரமம்!!!

2009-01-05T17:09:00.007+05:30

நந்து f/o நிலா, ஜீவ்ஸ் மற்றும் என்னுடய பாஸ் கார்த்திக் போன்றவர்கள் போட்டோ எடுப்பதை நானே கிண்டல் செய்திருக்கிறேன். இப்பொழுது தான் புரிந்தது அவர்களின் கஷ்டம்
நீங்களும் கொஞ்சம் வருத்தப்பட்டு போங்க

ஷாகிரா ரீமிக்ஸ்!!

2009-01-04T14:40:00.002+05:30

சும்மா தமாசு தாங்க!
ஆடுரது எல்லாமே ஆம்பளைங்க தான்!

இது சைனா மாடல் புதிய நானோ கார்.

2008-12-29T23:30:00.002+05:30

இது சைனா மாடல் புதிய நானோ கார்.

இந்த வீடியோ வை முழுவதும் பாருங்கள்.

காரின் சிறப்பம்சங்கள் நன்றாக புரியும்

இதுக்கு மேல நடந்து பாக்கறீங்களா?

2008-11-23T12:42:00.000+05:30

கண்ணாடியாலான ஒரு பாலத்தை கொலராடோ ஆற்றிற்கு மேலாக கட்டியிருக்கிறார்கள். Sky walk Bridge என பெயர். அட, ஆத்துக்கு மேலதா பாலம் கட்டுவாங்க. இதுல என்ன இருக்குனு கேக்குறீங்களா?

கடல்மட்டத்திலிருந்து 4000அடி உயரத்துல கட்டிருக்காங்க

71 போயிங் 747 விமானங்களை முழு பாரத்தோடு தாங்கவல்லது ( பயணிகளோடு )

அங்கே கிட்டத்தட்ட 8 வெவ்வேறான திசைகளிலிருந்து 100மைல் வேகத்தில் காற்று வீசும்.

1 மில்லியன் பவுண்டு எடையுள்ள இரும்பு பயன்படுத்தப்பட்டுள்ளது.

”U” வடிவில் இருக்கும் வளைவு 70அடி நீளமுள்ளது

$25 மட்டுமே நுளைவுக் கட்டணம் ( பிரயாண செலவு எப்படினு எங்கயும் போடலை )

மார்ச் 28,2007 இலிருந்து பார்வையாளருக்கு திறந்திருக்கிறார்கள். ஆனா இப்போது நண்பரிடமிருந்து இமெயில் வரும்வரைக்கும் எனக்கு தெரியாது.

இதுக்கான பட்ஜெட் $30மில்லியன்

2004ல் ஆரம்பித்திருக்கிறார்கள்

படங்கள பாருங்க!!!

என்ன மக்களே. பாத்தீங்களா?

இத மெயில்ல பாத்துட்டு இத பத்தி தேடினா இந்த வெப் கிடச்சுது.

இங்க இது மாதிரி நிறய்ய கட்டட விபரங்களை கொட்டி தந்திருக்காங்க.

இந்த ஆற்றைப்பற்றிய விபரங்களுக்கு படங்களுடன்.

சீனாவின் மிகச்சூடான விற்பனை பொருள்(இதயபலகினமுள்ளவர்கள் பார்க்கவேண்டாம்)

2008-10-30T16:48:00.000+05:30

சீனாவின் மிகச்சூடான விற்பனை பொருள்(இதயபலகினமுள்ளவர்கள் பார்க்கவேண்டாம்)

நன்றி: ரீட்டி

ஜெயமோகனின் வலைப்பூவில் பிடித்தது

2008-10-28T10:27:00.004+05:30

வழக்கமாக ஆண்கள் "காதலாக கசிந்துருகி" தங்களின் காதலியைப்பற்றி தான் எழுதுவார்கள். எப்போதாவது சிலர் மனைவியைப்பற்றியும்(நல்லவிதமாக!) எழுதுவதுண்டு. எழுத்தாளர் ஜெய்மோகனின் இந்த கட்டுரையில் மனைவியின் மேல் இருக்கும் காதலை அழகாக வெளிப்படுத்தி இருப்பார். உண்மையோ, பொய்யோ- படிக்க ரொம்ப க்யூட்டாக இருக்கிறது.

http://jeyamohan.in/?p=597

பதிவர்களின் கனிவான கவனத்திற்கு

2008-10-27T18:14:00.000+05:30

பதிவர்களின் கனிவான கவனத்திற்கு!!

'பதிவர்களின் கனிவான கவனத்திற்கு!' என்று ரயில் நிலைய ஒலிபெருக்கி அறிவிப்புபோல இருக்கிறதே என்று நினைக்கவேண்டாம்.

இந்தக் கனிவான என்னும் சொல் - எழுதியுள்ள இந்தப் பதிவு உங்கள் மனதில் இடம் பிடித்துக் கனிவை - கனிவான விளைவுகளை ஏற்படுத்தும் என்ற எண்ணத்தில் நுழைக்கப்பட்ட சொல் - இல்லையென்றால் பதிவர்களின் கவனத்திற்கு என்று மட்டும்தான் தலைப்பிட்டிருப்பேன்.

சரி, Over to the matter!

பதிவுகளில் சில பிரச்சினைகளுக்குரியாதாக உள்ளன.
பதிவர்களுக்கும் பதிவுகளால் சில பிரச்சினைகள் ஏற்பட்டுள்ளன, தொடர்ந்து ஏற்பட்டுக்கொண்டிருக்கின்றது.

இது தெரிந்ததுதான்!

சரி தீர்வு என்ன? தீர்க்கமுடியமா?

தீர்க்க முடியாத பிரச்சினைகள் என்று எதுவுமே கிடையாது?

சன்நியாசி ஒருவர் சொர்க்கத்திற்கு போவதாகக் கனவு கண்டார்.

கனவில் முதன் முதலாகச் சொர்க்கத்திற்குள் அடியெடுத்து வைத்தவுடன், அவர் பிரமித்துப் போய் விட்டார்.

ஆட்டமும் பாட்டமுமாய் கலகப்போடு பெரிய ஊர்வலம் ஒன்று வந்து கொண்டிருந்தது.

சன்நியாசிக்குத் திகைப்பு, அருகில் நின்றவரிடம் கேட்டார்.

"என்ன நடக்கிறது இங்கே?"

"உனக்குத் தெரியாதா?"

"தெரியாது, அதனால்தான் கேட்கிறேன்."

"நீ, புதிதாக வந்தவன் போலிருக்கிறது. அதனால்தான் உனக்குத் தெரியவில்லை! இன்று கடவுளுக்குப் பிறந்தநாள். அதை நாங்கள் இங்கே கொண்டாடிக் கொண்டிருக் கின்றோம்" என்று சொல்லிவிட்டு அவன் ஊர்வலத்தைப் பார்க்கத் துவங்கி விட்டான்.

தாரை, தப்பட்டை, கொம்பு, சங்கு, வாங்கு, நாதஸ்வரம்,மேளதாளம், கிளாரினெட், சாக்ஸ·போன்,என்று எல்லா வகையான வாத்தியங்களும் முழங்க, முதன் முதலாக ஒருவர் குதிரையின் மீது அமர்ந்து வருவதும், அவருக்குப் பின்னால், நூற்றுக் கணக்காணோர் வருவதும் அவர் கண்ணில் பட்டது.

உடனே அவர் கேட்டார், "இவர்தான் கடவுளா?''

உடனே அவன் பதிலுரைத்தான்,"இல்லை இவர் ஒரு பெரிய மதத்தலைவர். அவருக்குப் பின்னால் வருபவர்கள், அவருடைய மதத்தைச் சேர்ந்தவர்கள்."

சன்நியாசி வேடிக்கை பார்க்கத் துவங்கினார். சற்று நேரம் கழித்து, இதே போல குதிரையின் மீது மற்றொருவர் வர,
"இவர்தான் கடவுளா" என்று கேட்டார்.

அவன் பொறுமையாகச் சொன்னான், "இல்லை இவர் இன்னுமொரு மதத்தின் தலைவர்! அவருக்குப் பின்னால் வருபவர்கள் அவருடைய மதத்தைச் சேர்ந்தவர்கள்"

'ஓகோ' என்று முனுமுனுத்தவாறே கேட்டுக் கொண்டவர்,
அடுத்தடுத்து வந்த ஆறேழு மதத் தலவர்களையும் அவருக்குப் பின்னால் வந்தவர்களையும் பற்றிக் கேட்டு அறிந்து கொண்டார்.
இப்படியே அந்த ஊர்வலம் அவரைக் கடக்க இரண்டு மணி நேரத்திற்கு மேல் ஆயிற்று.

கடைசியாக ஒருவர் தனியாகக் குதிரை மீது வந்துகொண்டிருந்தார்.

அவருக்குத் வாத்தியக்காரர்கள் எவரும் இல்லை. பின்னாலும் எவரும் இல்லை. தனி ஆளாக வந்து கொண் டிருந்தார்.

உடனே சன்நியாசி பரபரப்பாகித் தனியாக வருபவர் யார் என்று தெரிந்து கொள்ளும் ஆவலில் கேட்டார், "இவர் யார்?"

அவன் சொன்னான்,"இவர்தான் கடவுள்!"

உடனே சன்நியாசி பரவசமாகி இரண்டு கைகளையும் மேலே தூக்கி அவரை வணங்கி முடித்தவுடன், சந்தேகத்தோடு, அருகில் இருந்தவரிடம் கேட்டார்.

"கடவுள் என்கிறாய்? என்னால் பாதி நம்ப முடியவில்லை.
இவர் மட்டும் ஏன் தனியாக வருகிறார்? பக்தர்கள் எல்லாம் எங்கே?"

அவன் சொன்னான், "அதுதான் பார்த்தாயே, பக்தர்களெல்லாம் முன்னால் தங்களுடைய மதத் தலைவருடன் போய்க் கொண்டிருக்கிறார்களே!"

"ஏன் அவர்கள் இவர் பின்னால் செல்வதைவிடுத்து தங்கள் மதம் அல்லது மதத் தலைவர்களுடன் போய்க் கொண்டிருக்கின்றார்கள்?'

"அது அவர்கள் விருப்பம்.ஆனாலும் அவர்கள் மதத்தின்
வழியாகக் கடவுளை வணங்கிக் கொண்டிருப்பவர்கள்தான். அவர்களுடைய பக்தியில் எந்தவிதக் குறைபாடும் இல்லை"

"சரி, இங்கே பார்வையாளர்களாக ஏராளமான பேர்கள் நின்று கொண்டிருக்கின்றார்களே இவர்கள் யார்?"

"இவர்களும் தீவிர பக்கதர்கள்தான்!"

"இவர்கள் ஏன் ஊர்வலத்தோடு போகவில்லை இவர்களுக்கு மதம் இல்லையா?"

"இருக்கிறது. ஆனால் எம்மதமும் சம்மதம். இறைவனை வணங்கினால் மட்டும் போதும் என்ற எண்ணம் உடையவர்கள் இவர்கள்."

"ஏன் இறைவன் பின்னால் இவர்களாவது ஊர்வலத்தில் சென்றிருக்கலாமே."

"செல்ல மாட்டார்கள். ஏனென்றால் தங்களை வளர்த்து இறைவனை அடைவதற்கு வழிகாட்டிய மதங்களை இவர்களால் கைவிட முடியாத நிலைமை! அதனால்தான் எந்தப் பக்கமும் போகாமல் அவர்கள் பார்வையாளராக மாறிவிட்டார்கள்"

"மதங்களின் வழியாக வந்தால்தான் இங்கே வரமுடியுமா?
வேறு வழியில்லையா?"

"அது எனக்குத் தெரியாது. நீ எப்படி வந்தாய்?''

சன்நியாசி சொன்னார், "எனக்கும் அது தெரியாது . அதுதான் ஆச்சரியமாக உள்ளது. புறப்படுகிறேன். நான் ஒருவனாவது கடவுளின் பின்னால் நடப்பதற்கு, ஓடிப் போய்ச் செர்ந்து கொள்கிறேன்.அதற்கு முன் கடைசியாக ஒரே ஒரு கேள்வி". தயவுசெய்து அதற்கும் பதில் சொல்லி விடுங்கள்!"

"கேள்?"

"நல்லது சொன்னீர். இதெல்லாம் கடவுளுக்குத் தெரியுமல்லவா. அவர் ஏன் தன்னுடைய பக்தர்களின் இந்தப் போக்கைக் கண்டு ஒன்றும் செய்யாமல் இருக்கிறார்? "

அவன் மெல்லிய குரலில் சொன்னான்.

"அப்படிச் செய்தால் அவர் கடவுளல்ல!!!!"

சன்னியாசிக்கு செவிட்டில் அறைந்தது போல இருந்தது.
கண் விழித்து விட்டார். கனவும் கலைந்து விட்டது.

---------------------------------------------

இதுதான் உண்மை. எல்லா மதங்களின் பாதைகளும் இறைவனை நோக்கித்தான் இருக்கின்றன.

சாதாரண மக்களூக்குப் புரிகிறதோ இல்லையோ?
நமக்குப் புரிய வேண்டும்!

ஆகவே நீங்கள் மதம் சார்ந்தவராக இருந்தால் உங்கள் மதத்தின் கோட்பாடுகள், நம்பிக்கைகள், பாடல்கள், செய்திகள் என்று உங்கள் மதம் சார்ந்த விஷயங்களை மட்டுமே பதிவிடுங்கள்!.

அடுத்த மதத்தைப் பற்றி எழுத உங்களுக்குத் தகுதியில்லை. அவர்களுடைய கோட்பாடுகள் உங்களுக்குத் தெரியாமல் இருக்கலாம் அல்லது பிடிக்காமல் இருக்கலாம். ஆகவே அதை எழுதாதீர்கள்.

அதுபோல வேறு ஒரு மதத்தைச் சேர்ந்தவர் எழுதிய பதிவிற்குள் உங்களுக்கு மனப்பக்குவம் இருந்தால் மட்டுமே நுழைந்து படித்துப் பாருங்கள். அவற்றில் நல்ல கருத்துக்கள் கூறப்பட்டிருந்தால் உங்களுக்கு அது பயன் படட்டும்!

மனப் பக்குவம் இல்லாதவரா - நுழையவே நுழையாதீர்கள்.

பதிவுகளால் ஏற்படும் பிரச்சினைகளை தீர்க்கக்கூடிய முதல் விதி இதுதான்.

இது என்னுடைய கருத்து. கருத்து மட்டுமே!

உங்களுக்கு உடன்பாடு இருக்குமென்றால் தாழ்மையுடன் கேட்டுக்கொள்கிறேன் ஏற்றுக் கொள்ளுங்கள்.இல்லை ஏதேனும் தவறாகத் தெரிந்தால் மன்னித்து விடுங்கள்.

பதிவர்களின் கனிவான கவனத்திற்கு!

பதிவர்களின் கனிவான கவனத்திற்கு - 2

பதிவர்களின் கனிவான கவனத்திற்கு- பகுதி 3

மேலே கொடுக்கப்பட்டிருக்கும் பதிவு வகுப்புஅறை வாத்தியார். திரு.SP.VR. சுப்பையா அவர்களின் பல்சுவை பதிவரங்கத்தில் கடந்த 2006ம் வருடம் டிசம்பர் மாதத்தில் எழுதியிருந்தார்.

அப்பதிவுகள் மூன்றும் தற்கால பதிவுலக எழுத்தாளர்களூக்கும் தேவையான அறிவுரைகள் அடங்கியுள்ளன. அவர் 3 பதிவில் கொடுத்துள்ளதில் இரண்டாம் பகுதி பதிவை இங்கு வெளியிட்டுள்ளேன். மற்ற இரண்டையும் மேலே உள்ள லிங்கில் படியுங்கள்

நன்றி: வாத்தியார். திரு.SP.VR. சுப்பையாஅவர்கள்

அறிஞர் அண்ணாவின் உரைகள் ஒலிப்பதிவுகள்

2008-10-26T15:49:00.001+05:30

அறிஞர் அண்ணாவின் உரைகள் ஒலிப்பதிவுகள்

இன்று நமது பா.கே.ப வில் ஒரு ஒலி வடிவச்செய்தி. தற்போதைய இளைய தலைமுறை ஏன் சுமார் 45 வயது ஆனவர்களுக்கு கூட அறிஞர் அண்ணாவைப்பற்றி தெரியாது.

மேலும் அவரது தமிழுரையில் மிகச்சிறந்தவர் என்று கேள்விப்பட்டு இருக்கலாம்.ஆனால் அவ்வுரைகளை கேட்டு இருக்க இயலாது. முன்பு அறிஞர் அண்ணா சமாதியில் அவரது உரைகள் எப்போதும் ஒலித்துக்கொண்டு இருக்கும்படி வைத்து இருந்தனர். ஆனால் இப்போது உள்ளதா எனத்தெரியவில்லை.

இன்று கீற்று வெப் போர்ட்டலில் இருந்து வந்த ஈ-மெயிலில் அறிஞர் அண்ணாவின் உரைகள் கீழ்க்கண்ட இடங்களில் செய்யப்பட்டவைகளின் ஒலிப்பதிவுகள் தளமிறக்கி கேட்கும் வசதியோடு தந்துள்ளனர்.

1. உலகத்தமிழ் மாநாட்டு உரை
2. செங்கல்பட்டு உரை
3. வள்ளூவர் படத்திறப்பு விழா
4. முத்தமிழ் விழா
5. மன்றம் திறப்பு விழா
6. எழுச்சி நாள் விழா

அதன் லின்க் இங்கே

தமிழகம் தந்த ஒரு அற்புத தலைவரின் பேச்சோலியை கேட்டு மகிழ்வோம்.

மேற்படி வாய்ப்பை ஏற்படுத்தித் தந்த கீற்று இணைய பத்திரிக்கைக்கும் எமது நன்றியை தெரிவித்துக்கொள்வோம்.

மேலும் தற்போது அறிஞர் அண்ணாவை பற்றிய அனைத்து தகவல்களும் இந்த இணைப்பில் உள்ள அறிஞர் அண்ணா. இன்போ என்ற தளத்திலும் உள்ளது.

இத்தளத்திலும் அண்ணா அவர்களின் உரைகள் உள்ளன.

அறிஞர் அண்ணாவின் நூற்றாண்டு விழா கொண்டாடப்படும் இவ்வருடத்தில் அவரைப்பற்றி நாம் இவை வாயிலாக அறிந்து கொள்வோம்.

UAEல் வேலைக்கு வருவதற்கு முன்பு கவனிக்கவேண்டியவை

2008-10-25T20:59:00.000+05:30

UAEல் வேலைக்கு வருவதற்கு முன்பு கவனிக்கவேண்டியவை!

1) விசா

2) சம்பளம்

விசா: முதலில் விசாவை பற்றி பார்கலாம் இதுவரை பலபேர் செய்துகொண்டு இருந்தது, விசிட் விசா (டூரிஸ்ட் விசா) எடுத்து இங்கு வந்து தங்கி இரண்டு மாதம் வேலை தேடுவார்கள் தகுதி இருப்பின் இரண்டு மாத காலத்துக்குள் வேலை கிடைத்துவிடும் இல்லை என்றால் ஒரு மாதம் 500Dhs பணம் கூடுதலாககொடுத்து விசாவின் ஆயுளை நீடிச்சுக்கலாம்.
ஆனால் இப்பொழுது அதுக்கும் ஆப்பு வைத்துவிட்டது விசிட் விசாவில் யாரும் தங்கி வேலை பார்பது தெரியவந்தால் 50000Dhs அபராதம் அந்த company.
ஆகையால் பல company விசிட் விசா ஆட்களை எடுக்கதயங்குகிறார்கள்.

விசிட் விசாவில் வேலைபார்பதின் நன்மை தீமைகள்.

நன்மை: இரண்டு மாத காலத்தில் company நிஜ முகம் தெரிந்துவிடும் சம்பளம் ஒழுங்கா வருமா வராதா? company எதிர்காலம் எப்படி, இல்லை மன்னாரன் companyயா என்று கண்டுபிடித்துவிட்டு ஈசியாக வேறு வேலை தேடிக்கலாம்.

தீமை: லேபர் லா படி எந்த பலனையும் அடைய முடியாது, சம்பளம் தரவில்லை என்றால் கூட ஒன்னும் செய்ய முடியாது.

அடுத்தது எம்ளாயிமெண்ட் விசா:
இதில் இரண்டு வகை இருக்கிறது

1) Free zone visa 2) LLC visa

Free Zone Visa:
இது நம்ம ஊரில் இருக்கும் தொழிற்பேட்டை போன்றது ஒரு இடத்தில் பல companyகள் இருக்கும் அவை அனைத்தும் வெளிநாட்டு முதளீட்டார்களுக்கானது , வெளிநாட்டவர் தனியாக பிசினஸ் செய்யவேண்டும் என்றால் அவர்கள் இது போல் Freezone இடத்தில் ஆரம்பிக்கவேண்டும், அப்படி ஆரம்பிக்கும் company விசாவுக்கு எந்த வித கட்டுபாடும் கிடையாது,
1) படிப்பு சான்றிதழ் சரிபார்பு தேவை இல்லை (இல்லை என்றால் அதுக்கு ஒரு 10000ரூபாய் செலவு ஆகும்)

2) வேலை பிடிக்கவில்லை என்றால் எப்பொழுது வேண்டுமானாலும் ரிசைன் செய்யலாம்

3) எங்கு வேண்டும் என்றாலும் அடுத்த வேலைக்கு மாறலாம் எந்த தடையும் கிடையாது.

LLC visa:
Free Zone யை தவிர வேறு எங்கும் ஒரு சிறு டீ கடையோ அல்லது தொழிற்சாலையே ஆரம்பிப்பதாக இருந்தாலும் இங்கு இருக்கும் UAE குடிமக்களில் யாரேனும் ஒருவரை நீங்கள் பார்ட்னராக அவர் பெயரில் ஆரம்பிக்கதான் முடியும், அவர்கள் துனை இன்றி ஆரம்பிக்க முடியாது, ஏன் என்றால் இது அவர்கள் நாட்டில் தொழில் செய்வதால் அவர்களும் பயன் அடையனும், அதுக்கு என்று 40% அவருக்கு லாபத்தில் கொடுக்கவேண்டும் என்று அக்ரிமெண்ட் எல்லாம் போட்டவேண்டும் அப்படி ஆரம்பிக்கும் கம்பெணி LLC ஆகும். அதில் எம்ப்ளாயிமெண்ட் விசா கிடைக்க சான்றிதழ் சரி பார்த்தல் அவசியம்.
இதில் இருந்து அடுத்த company மாறுவது என்பது குதிரை கொம்பு.இந்தவிசாவை நீங்கள் கேன்சல் செய்துவிட்டுதான் அடுத்தவேலை மாறவேண்டும் அப்படி கேன்சல் செய்தால் அட்டோமேட்டிக்காக நீங்கள் ஆறுமாத காலம் இங்கு அமீரகத்தில் வேலை செய்ய முடியாதபடி லேபர் விசா தடை விழுந்துவிடும். ஆனால் நீங்கள் விசிட் விசாவில் வரலாம் அப்படி வந்தால் மேலே சொன்ன பல சிக்கல்கல் இருக்கிறது.
சில நல்ல உள்ளம் படைத்த company ஆட்கள் உங்களை ஒரு வருடம் உள்ளே நுழையமுடியாத படி Entrey Band போட்டுவிடுவார்கள்.

சில பெரிய company நினைத்தால் அல்லது கூடுதலாக 12,000Dhs பணம் கட்டினால் அந்த தடையை நீக்கமுடியும்.

முன்பு நான் இருந்தது Free Zone company ஆகையால் இரண்டு வருடம் கழித்து வேலை மாறினேன் இப்பொழுது இருப்பது LLC சில பல பிரச்சினைகளால் மாறனும் என்று நினைத்தாலும் மாறமுடியாமல் தவிக்கிறேன். நான் விளையாட்டக சொன்னேன் இனி அடுத்தவேலை என்றால் மலையாளி இல்லாத இடமாகதான் மாறனும் என்று தோழர் சொன்னார் அப்ப நீ எங்கயும் வேலை செய்யமுடியாது என்று.

அடுத்து சம்பளம்: துபாயில் ஒரு நான்கு பேர் மட்டும் இருக்கும் ரூமில் ஒரு பெட் ஸ்பேஸ் வேண்டும் என்றால் நீங்கள் கொடுக்கவேண்டியது குறைந்தபட்சம் 800 Dhs,வீட்டில் சமைத்து சாப்பிடும் ஆள் என்றால் பிரச்சினை இல்லை ஆனால் கிட்சனோடு ரூம் என்றால் குறைஞ்ச பட்சம் 1000Dhs கொடுக்கவேண்டும். நான் சொல்வது ஒரு ரூமில் நால்வராக தங்க.கல்யாணம் ஆனவர் மனைவியுடன் தனி ரூமில் தங்க வேண்டும் என்றால் வாடகை 4000Dhs துபையில், சார்ஜாவில் 1800ல் இருந்து கிடைக்கிறது. மற்றொரு குடும்பத்தோடு சேரிங் கிட்சன் என்றால் 2500dhs. முன்பு 25கிலோ அரிசி 45Dhs ஆக இருந்தது இன்று 68 Dhs. single பெட் ரூம் வீடு என்றால் துபையில் 6,000Dhs ஆகும்.

இப்படி எல்லாம் இங்கு விலை அதிகமாகிவிட்டது அதுக்கு தகுந்தபடி பிளான் செய்துப்பது சம்பளத்தை பேசிவிட்டு வருவது நலம்.

அதையும் மீறி பிரச்சினை என்றால் உதவி செய்ய இங்க பலர் இருக்கிறோம், பயப்படாமல் வாங்க.

இந்த பதிவு எழுத சிவாதான் காரணம் அவர் வித்யாகலைவாணி பதிவில்
இதுக்காகதான் இந்த பதிவு.

ஜமாலன் அவர்களின் இந்த வசந்தம் பாலையாகும் வளைகுடா இந்தியர்கள். பதிவையும் படியுங்கள்.

இப்பதிவு சென்றவருடம் நவம்பர் மாதம் 27ல் திரு குசும்பு அவர்கள் தனது இந்த பதிவில் இட்டது... மக்களுக்கு உபயோகப்படும் என மிள் பதிவிட்டுளேன்.

நன்றி: குசும்பன்
இதில் எதேனும் தற்கால மாற்றாங்கள் இருந்தால் அமீரக பதிவர்கள் பின்னுட்டமிட்டு தெரியப்படுத்தவும்

விஸ்டா டவுண் ஆகுவது இப்படத்தான் - விஸ்டா கடி

2008-10-20T16:22:00.002+05:30

இப்படித்தான் - படத்த Click பண்ணி பெரிசா பாருங்கப்பு!!!

இதுதா விஸ்டா கடி!!!

புதிய வகையான மோட்டார் சைக்கிள்

2008-10-19T12:28:00.001+05:30

புதிய வகையான மோட்டார் சைக்கிள்

தற்போது மார்க்கெட்டில் புதுவகையான மோட்டார் சைக்கிள் வந்துள்ளது. அதன் மாடலை இங்கு காணலாம்

புதிய வகையான் முன் சக்கரம் மட்டுமே கொண்ட மோட்டார் சைக்கிளின் படத்தினைக் கீழே கொடுத்துள்ளேன்.

சிவாஜிராவ் டு சிவாஜி

2008-10-17T01:22:00.004+05:30

இத்தளத்தில் என்னை இணைத்துக்கொண்ட அண்ணண் கூடுதுறை அவர்களுக்கு மனமார்ந்த நன்றிகள்.
பார்த்தது கேட்டது பிடித்ததுனு யோசிச்சா.... அட நமக்கு கைவந்த கலையான காப்பி பேஸ்ட்டதா இப்படி தமிழ்ழ போட்டிருக்காங்கனு புரிஞ்சுது.
மீனுக்கு நீந்த சொல்லனுமா என்ன???
ஆனா காப்பிரைட்ஸ் பிரச்சனை வராதுன்னு கினைக்கிறேன்.
இனி பிரச்சனை இல்லாம இமெயிலில் வருவதைறெவல்லாம் போடலாம்.

முதல் பதிவாக இமெயிலில் ஒரிஜினல் எதுவென இல்லாமல் வந்த ஓர் அட்டாச்மென்ட்.

ரஜினியின் வாழ்க்கையை அப்படியெ சொல்லியிருக்கிறார்கள்.
படிக்க சுவாரசியமாக இருந்தது.
அப்படியே இங்கேயும் பொட்டாச்சு.

Bloggerல் எப்படி அட்டாச்மென்ட் போடரதுனு யாராச்சும் சொல்லித்தருவிங்கா???
பிளீஸ்!!!!

Size 1.3MB
PDF Document
http://rapidshare.com/files/154683354/Sivajirao_to_Sivaji.pdf.html

நன்றி

இம்சை அரசன் அடித்த மணி !

2008-10-16T09:37:00.000+05:30

இம்சை அரசன் அடித்த மணி !

அனைவரும் அர்சகராகலாம் என்ற திட்டத்தை கேள்விப்பட்ட நம்ம கைப்புள்ள, அண்ணன் பார்த்திக்கு பயந்து ஓடி ஒளிந்து கொள்ள சரியான இடம் கோவில்தான் என்று எப்படியோ அர்சகர் ஆகிவிட்டார். அறனிலைய துறை அதிகாரியான பார்த்தி ஒரு நாள் சாமி கும்பிட வருகிறார். உடம்பு முழுவதும் பட்டை அடித்துக் கொண்டு பக்திப் பழமாக இருக்கும் கைப்புள்ள அவரைப் பார்த்துவிடுகிறார்

தனக்குள்
கைப்பு : 'அடி ஆத்தி... இவனுக்கு பயந்துக்கிட்டுதான் இங்கிட்டு வந்தோம் ... இங்கிட்டும் வந்துப்புட்டானே ....
என்று தலையில் துண்டைப் போட்டு மறைத்துக் கொண்டார்
பார்த்தி : சாமி ... இங்க பாருங்கோ ... இத எடுத்துட்டுப் போய் அர்சனைப் பண்ணி எடுத்துட்டுவாங்கோ
கைப்பு : ஆகட்டும் பா ... ஆகட்டும் ... வொடனே செஞ்சுடுவோம் ... அதுக்குத் தானே இருக்கோம்
பார்த்தி : இந்த குரல எங்கேயே கேட்ட மாதிரி இருக்கே ... சாமி கொஞ்சம் பாருங்க ...
கைப்பு : சாமி இன்னெக்கு மவுன விரதம்... பேசக் படாது ...
பார்த்தி : மவுன விரதம் ... வாயத்தானே மூடனும் ... நீங்க தலைய மூடியிருக்கிங்க ... சரி சாமி ... நீங்க பேச வேனாம் ... முகத்தையாவது இப்படி காட்டுங்க ...
கைப்பு : மண்ணிக்கனும் சாமி மண்ணிக்கனும் ... தலையில வவ்வா உச்சா போயிடுச்சி ...
பார்த்தி :ஹூம் ... அதான் இந்த நாத்தம் நாறுதா ? ... பராவியில்ல விடுங்க சாமி ... பால் வடியும் மொகத்தை கொஞ்சம் காட்டுவிங்கன்னு பார்த்தேன், சரி வவ்வா வடிச்ச தலையை யாவது காட்டுங்கள்
கைப்பு மனதுக்குள் ... விடமாட்டான் போலப்பு .... ஆகா மாட்டிக்கிட்டேனே என்று தலையில் மறைத்த துண்டை விலக்குகிறார்
கைப்பு : அப்பு அப்பு வேணாப்பு ... உனக்கு பயந்துக்கிட்டுதான் இங்க வந்து சேந்திருக்கேன் கெடுத்துடாதே ... ஒனக்கு என்ன வேணும் எடுத்துக்க ... தேங்கா ... பழம் ... பூ என்று உளர ஆரம்பிக்கிறார்
அவரை ஏற இறங்க பார்த்த பார்த்தி ...
பார்த்தி : ஓ ... எலி அம்மனமா இங்க வந்து ஒளிஞ்சிக்கிச்சா
கைப்பு : எலின்னாலும் ஞ்சொல்லு கிலின்னாலும் ஞ்சொல்லு விட்டுடுப்பா ... கையெடுத்து கும்புடுகிறார்
பார்த்தி : சரி விடுரேன் ... ஆனா இங்க என்ன பண்ணுற தெரிஞ்சாகனும் ?
கைப்பு : ம் .. பாத்தா தெரியலப்பா ... மணியடிச்சு பூஜை செய்றேன் ... பூஜை
பார்த்தி : பூஜை செய்யுறியா ... உனக்கு தேவாரம் எல்லாம் தெரியுமா ?
கைப்பு : அது தெரியாமல இங்க வந்துருக்கேன் ... இன்ட்ர்வுயூ பண்ணாங்கப்பு
பார்த்தி : ஒன்ன அவுங்க இன்டர்வுயூ பண்ணினாங்களா ?
கைப்பு : அட ஆமாப்பு, சாமிக்கு மணியடிக்கிற சோலி பண்ண ... எல்லாரும் போறாங்களே, என்னான்னு கேட்டா, தேவராம் தெரியனும் சொன்னாகப்பு ... ஆக நமக்கு தெரியாத தேவாரமான்னு கேட்டுபுட்டு ... போனேன்... எல்லாரையும் கேட்டுட்டு ... கோட்டவா உட்டுக்கிட்டே எங்கிட்டயும் கேட்டகப்பு ... நல்ல தெரியும்னு சொன்னதால தானப்பு இங்க அனுப்பிச்சாங்கெ
பார்த்தி கையெடுத்து கும்பிட்டு ...
பார்த்தி : கைப்புள்ள நீ அவ்வளவு பெரிய ஆளா, ஒனக்கு தேவாரம் தெரியுமா ?
கைப்பு : என்ன அப்புடி கேட்டுப்புட்ட ... சின்ன பசங்களுக்கு தெரிஞ்ச சின்ன விசயம் எனக்கு தெரியாதா... ஐஜியா இருந்தவர தெரியாம இருக்குமா ... வீரப்பன புடிச்சாருல்ல ... அவுர தெரியாதுன்ன எப்படிப்பு .... சின்னப்புள்ள தனமால்ல இருக்கு
பார்த்தி அதிர்ச்சி அடைந்து விடுகிறார்.
பார்த்தி : வேண்டாம்னு பார்த்தேன் ... இல்ல நீ மாட்டிக்கிட்ட
கோபமாகிய கைப்பு,
கைப்பு : சாமிய கும்புட்டமா, துன்னூற பூசிக்கிட்டமான்னு போவனும், இப்டி நோண்டப் படாது ...
பார்த்தி : நான் நோண்டாமல் வேர ஒங்கப்பனா வந்து ...
கைப்பு : ஏன்பா ... நீ யாரு ... நீ எதுக்கு நோண்டனும் ... கைப்புத் தேன் ... பைப்பு இல்லப்பா ... வேணாம் விட்டுடு
பார்த்தி : அறநிலைய அதிகாரி நான் கேட்காம வேற எந்த கேனயன் வந்து கேட்பான்
கைப்பு பயந்து மென்று முழுங்குகிறார்.
கைப்பு : அப்பா அப்பா தெரியாம சொல்லிட்டன்ப்பு ... தேவரம் சரியாத் தானப்பு சொன்னேனப்பு பார்த்தி : அடே மடயா ... தேவரங்கிறது ... பக்திப் பாட்டு ...
கைப்பு தெம்பாகிறார்
கைப்பு : பூ ... இவ்வளவு தானா .... பாடுறேன் கேட்டுக்க ..... 'கோடி மலைகளிலே கொடுக்கும் மலை எந்த மலை'
பார்த்தி : நிறுத்து ... இது தேவாரம்னு ஒனக்கு எந்த மடையன் சொன்னான்
கைப்பு : யாரு சொன்னா என்னப்பு ... சாமிபாட்டு ... நான்ந்தே பாடினேன் ...
பார்த்தி : சீர்காழி பாட்ட உம் பாட்டுன்னு சொல்றியா
கைப்பு : சீர்காழியோ ... டிம் எஸ்சோ இருந்தா என்னப்பா ... தேவர் படத்துல தானப்பா வந்துச்சி ... அப்ப தேவரம் இல்லையா ?
தலையில் அடித்துக் கொண்டே,
பார்த்தி : மடையா மடையான்னு திட்டியே ... நான் மடையான் ஆயிடுவன் போல இருக்கே... தேவரங்கிறது அப்பர் சாமி பாடினது.
பயந்தபடி ...
கைப்பு : அப்பு எனக்கு அப்பர் சாமியும் தெரியாது ... அப்பா சாமியையும் தெரியாது ... வயுத்துப் பொழப்புக்காக வந்துட்டேன் ... பொழப்புல மண்ணப் போட்டுடாதப்பு ... பொண்டாட்டி புள்ளெங்களெல்லாம் பட்டினியா கெடக்கும் ... பாவம் அப்பு விட்டுடு ... அவ்வ்வ்வ்
பார்த்தி : அடச்சீ நிறுத்து ... ஒன்ன மாதிரி மாங்க மடையனை அர்சகரா வெச்சிருந்தா, என் பொழப்பு தான் நாறிப் போய்டும்
கைப்பு : வேணாப்பு ... ஒன் சோளிய கெடுத்த பாவம் எனக்கு வேணாம் ... நீயே பாத்து ... நம்ம கைப்புள்ள கஸ்டப் படப்படாதுன்னு ...இங்கேயே ஓரமா ஏதோ ஒரு சோளி போட்டுக் குடு
பார்த்தி மனம் இறங்குகிறார்
பார்த்தி : ம் .... ஒனக்கு என்ன வேலை கொடுக்கிறது ... ஆங் ... அங்க யானை நிக்குது பார்
கைப்பு : யானைக்கு சோறு வடிச்சி போடனும் சொல்ற ... ம் விதியாரா வுட்டுச்சி ... செய்யிறேன் அப்பு செய்றேன்
பார்த்தி : யானைக்கு சோறு போட ஆளு இருக்கு ... நீ என்ன பண்ணுற இந்த லத்தி இருக்கு பாரு லத்தி அதை அள்ளிக் கொட்டுற ? என்னது ? லத்தி அதாவது யானை சாணி
கைப்பு : வேணாப்பு ... வேண்டாம் யானைக்கு சாணியள்ளிக் கொட்டுற சோலியெல்லாம் சரிப்பட்டு வராது ... கைப்புவ பாத்தா பாவமா இல்லையா ?
பார்த்தி : ஏற்கனவே வவ்வா உச்சாப் போயி ... கிட்ட வந்த நாத்தம் தாங்க முடியலை ... இந்த வேலைக்கு அனுப்பிச்ச ... யானையே ஒடினாலு ஓடிடும் ... வேற என்ன செய்யலாம் ...
யோசனை செய்து கொண்டிருக்கும் போது கோவில் மணி அடித்து ...
பார்த்தி : நினைச்சேன் ... மணி அடிக்குது ...
கைப்பு : பாத்திய பாத்தியா அந்த சாமிக்கே கைப்பு சாணி அள்ளுறது புடிக்கல
பார்த்தி : ஆமா ஆமா எனக்கும் புடிக்கல ... அதுனால கோவில் மணிய இனிமே நீ தான் அடிக்கிற ... புரிஞ்சுதா ?
கைப்பு : அடிக்கிறம்பா அடிக்கிறேன் ... நங்கு நங்குன்னு நச்சின்னு அடிக்க மாட்டேனா ?
பார்த்தி : அடிக்கலைன்னா ... அப்புறம் உன் மணியை கட் பண்ணிவிடுவேன்
கைப்பு அவசரமாக கையை எங்கோ வைத்து பொத்துகிறார்.
பார்த்தி : அடச்சே யாருக்கு வேணும் அது ... நான் சொன்னது M O N E Y உன் சம்பளத்தை
கைப்பு : உசிரு போயி ... உசிரு வந்துச்சி ஓ.. அந்த மணிய செல்லுறியாப்பு நீயீ
பார்த்தி சென்றவுடன் கைப்பு புலம்புகிறார்
கைப்பு : ஆகா ஆட்ட வெச்சுட்டான்டா... ஆட்ட வெச்சுட்டான் ... சின்ன மணியா அடிச்சு, அங்கனுக்குள்ளேயே நின்னு நாளு பொம்பள புள்ளெங்கள பாத்தோமா இருந்தோமன்னு இருந்த என்ன இப்படி பெரிய மணியா அடிக்க வெச்சுட்டானே ... அவ்வ்வ்வ்வ்வ்வ்வ்

இந்தப்பதிவு சிங்கை சிங்கம் அண்ணன் கோவி.கண்ணன் அவர்களின் 2006 ஆண்டில் வெளிவந்த பதிவு. நன்றாக படித்துவிட்டு மற்றும் சிரித்துவிட்டு பின்னுட்டமிடுங்கள்

நன்றி: கோவி.கண்ணன்

புகைப்படக்கலையில் ஆர்வமா?

2008-10-13T23:00:00.007+05:30

www.popphoto.com

சமீபத்தில் புது டிஜிடல் கேமரா வாங்கியபோது, புகைப்படக்கலையைப்பற்றி மேலும் தெரிந்துக்கொள்ளும் ஆர்வத்தில் பல வலைத்தளங்களுக்கும் சென்றேன். அதில் மிகவும் கவர்ந்த வலைதளம் மேலே குறிப்பிட்டு இருப்பது. புகைப்படக்கலையில் ஆர்வம் இருப்பவர்களுக்கு நிச்சயம் பிடிக்கும்.

இணைய எப்.எம் ரேடியோ வெற்றி fm

2008-10-12T13:03:00.001+05:30

இணைய எப்.எம் ரேடியோ வெற்றி fm

பின்னுட்ட நண்பர் அளித்த லிங்கில் கிடைத்தது. இந்த எஃப்.எம் ரேடியோவின் தளம். இது கொழும்புவில் இருந்து ஒளிபரப்பு ஆகும் தமிழ் எஃப்.எம் ஆகும். இந்த தளத்தை http://www.vettri.lk/கிளிக் செய்தால் உடனே ஒலிபரப்பு கிடைக்கிறது...

லாகின் ரிஜிஸ்டேரசன் எதுவும் தேவையில்லை.

இணைய எப்.எம் ரேடியோ வெற்றி fm

2008-10-12T13:03:00.000+05:30

இணைய எப்.எம் ரேடியோ வெற்றி fm

பின்னுட்ட நண்பர் அளித்தில் லிங்கில் கிடைத்தது. இந்த எஃப்.எம் ரேடியோவின் தளம். இது கொழும்புவில் இருந்து ஒளிபரப்பு ஆகும் தமிழ் எஃப்.எம் ஆகும். இந்த தளத்தை http://www.vettri.lk/கிளிக் செய்தால் உடனே ஒலிபரப்பு கிடைக்கிறது...

லாகின் ரிஜிஸ்டேரசன் எதுவும் தேவையில்லை.

எல்.ஐ.சிக்கு பிரச்னை வருமா?

2008-10-11T18:04:00.001+05:30

எல்.ஐ.சிக்கு பிரச்னை வருமா?

கடன் வாங்கும் நபர்களுடைய வீட்டுப் பத்திரத்தை ரிஜிஸ்தர் செய்து, எதிரடி கிரயத்திற்குப் பணம் கொடுப்பதில், 2 % வட்டி கிடைத்தால் ரிஸ்க் எதுவும் வந்துவிடாது அல்லவா?

ச. ந. தர்மலிங்கம், சத்தியமங்கலம்.

சுவாரசியமான கேள்வி. காரணம், கேள்வியை பகுதிபகுதியாகப் பிரித்துத்தான் புரிந்துகொள்ள வேண்டியிருக்கிறது. சின்ன விடுகதை போல, அடர்த்தியாக, நல்ல கட்டுமானத்துடன் இருக்கிறது! எதிரடி கிரயம் என்கிற வார்த்தை இப்போது புழக்கத்தில் இருப்பதாகத் தெரியவில்லை. நிப கிரயம், கண்டிஷனல் அடமானம் போன்றதுதானே இது?
பொருளையோ சொத்தையோ அடமானம் வைத்து, பணம் வாங்கிச் செல்பவர்கள், குறிப்பிட்ட காலத்திற்குள் பணத்தினைக் கொடுத்து, அடமானப் பொருளை/சொத்தினை மீட்டுக்கொள்ளலாம்.

காலம் தவறினால், சொத்து, பணம் கொடுத்தவருக்கே கிரயம் செய்துகொடுத்துவிட்டது போலத்தான்' என்கிற ஏற்பாடுதான் எதிரடி கிரயம். ரிஸ்க் என்பது அடமானம் பெறப்படும் பொருளைப் பொறுத்தது. அடமானப் பொருள் மீது, அதன் மதிப்பில் எவ்வளவுக்கு பணம்கொடுக்கிறோம் என்பதைப் பொறுத்தது ரிஸ்க். மேலும் அடமானப் பொருளை என்ன விலைக்கு விற்க முடியும்? சுலபமாக விற்கமுடியுமா(ஃடிணுதடிஞீடிtதூ என்ன)? என்பனவற்றையும் பார்க்க வேண்டும்.

அமெரிக்காவின் மிகப்பெரிய காப்பீட்டு நிறுவனமான எ.ஐ.ஜி (அஐஎ) க்கு பிரச்சினை வந்தது போல, நம் நாட்டு லிமிசிக்கும் பிரச்சினை ஏதும் வருமா?

அன்பரசன், பவானி.

வாய்ப்பே இல்லை. ஃஐஇ பற்றி பயப்பட வேண்டாம். நம் நாட்டில் பொதுமக்களின் பணத்தினைக் கையாளும் நிதிநிறுவனங்களுக்கு என்று தனித்தனி கண்காணிப்பு அமைப்புகள் உண்டு.அவற்றுக்கு, நம் நாட்டில் கூடுதல் அதிகாரங்களும் உண்டு. பங்குச் சந்தைக்கு செபி (குஉஆஐ).வங்கிகளுக்கு மத்திய ரிசர்வ் வங்கி (கீஆஐ)அதே போல காப்பீட்டு நிறு வனங்களுக்கு என்றே ஐ.ஆர்.டி.ஏ.

ஃஐஇ தொடங்கி 52 ஆண்டுகள் ஆகின்றன. அதற்கு முன்பு காப்பீடு என்பது தனியார் வசம் இருந்தது. குட்டி குட்டியாக மொத்தம் 230 நிறுவனங்கள்.. 1956-ல் எல்லாவற்றையும் தேசியமயமாக்கி, ஃஐஇ என்கிற ஒரே நிறுவனமாக்கினார்கள். எல்.ஐ.சி. வெளிநாடுகளில் வியாபாரம் ஏதும் செய்யவில்லை. எல்லாம் உள்நாட்டிலேயேதான். அதனால் அமெரிக்க பிரச்னைக்கும், லிமிசிக்கும் தொடர்பில்லை. எல்லாம் போக, ஃஐஇ என்பது முழுக்க முழுக்க நமது நடுவண் அரசின் நிறுவனம். வேறு எவரும் முதல் போடவில்லை. அதனால் அரசின் முழு உத்தரவாதம், அதில் முதலீடு செய்தவர்களுக்கு உண்டு.

வணிக ரீதியாகப் பார்த்தாலும், சிறப்பான வடிவம் கொண்டது ஃஐஇ. மொத்தம் 23 கோடி பாலிசிகள் கொடுத்திருக்கிறார்கள். எண்ணிக்கையில், உலக அளவில் ஃஐஇ தான் நெ.1. மொத்த மக்கள் தொகை என்று பார்த்தாலே, உலகில் நாலு தேசங்கள்தான் இதைவிட அதிக எண்ணிக்கையில் இருக்கின்றன. மேலும் 23 கோடி என்பது, 'ரிஸ்க் பரவலானது' (கீடிண்டு குணீணூஞுச்ஞீ) என்கிற விதத்திலும் நிறுவனத்திற்கு பலமாக அமைகிறது.. பிரீமியம் பணத்தினையும் ஐ.ஆர்.டி.ஏ வழிகாட்டுதல்படியே பாதுக்காப்பாக முதலீடு செய்கிறார்கள்.
மொத்தத்தில் ஃஐஇ ஒரு பெரீய்ய்ய யானை போல. அதன் ஆயுள் படுகெட்டி. அச்சப்படவே தேவையில்லை, அன்பரசன்.

நம் நாட்டிலும் ஒரு பெரிய தனியார் வங்கி பிரச்னையில் இருப்பதாகப் பேசிக் கொள்கிறார்களே! அந்த வங்கியில்தான் வீட்டுக்கடன் வாங்கியிருக் கிறேன். அப்படி ஏதும் ஆனால், அவர்களிடம் இருக்கும் என் வீட்டுப்பத்திரம் என்ன ஆகும்?

அனந்து, வில்லிவாக்கம்.

அந்த வங்கி கொடுக்கிற தகவல்படி, அதன், லேமென் பிரதர்ஸ் தொடர்பான ( பிரச்னைக்குரிய) பணத்தின் அளவு, 28 மில்லியன் $ (126 கோடி ரூபாய்). அந்த வங்கியின் கடந்த ஆண்டு (2007-08) லாபம், 4,150 கோடி ரூபாய். ஆக, இந்தப் பிரச்னையினால், அதன் லாபம் குறையலாம்.

மற்றபடி, உங்கள் வீட்டுப்பத்திரம் பத்திரமாகவே இருக்கும். காரணம் உங்கள் கடன் நிலுவையில் தானே இருக்கிறது. உங்கள் வீட்டுப் பத்திரம் என்பது வங்கியின் சொத்துக்களில் ஒன்று. அதனால் அதை அவர்கள் பாதுகாப்பாகவே வைத்திருப்பார்கள். (கடன் பெற்றார் நெஞ்சம் போல கலங்குகிறீர்களே, பூர்வீகம் இலங்கையோ!).

நன்றி-குமுதம் (08.09.08),தினமலர்

கிரிக்கெட் வளர்த்த தமிழ் வர்ணனையாளர்கள் - ஒரு பார்வை

2008-10-11T10:54:00.002+05:30

இந்த கிரிக்கெட் சீசனில் நம் தமிழ்நாட்டில் கிரிக்கெட் வளர்த்த வர்ணனையாளர்கள் பற்றி அண்ணன் உண்மைத்தமிழன் அவர்கள் சென்ற வருடம் எழுதிய இந்தப்பதிவை வாசகர்களின் பார்வைக்கு கொண்டுவருவதில் பெருமை கொள்கிறேன்.

நன்றி - உண்மைத்தமிழன்

என் இனிய வலைத்தமிழ் மக்களே..!

அது ஒரு ஞாயிற்றுக்கிழமை. அன்றைய தினம் என்றைக்கும் போலவே என் குடும்பத்தாருக்குத் தெரிந்தாலும் எனக்கு மட்டும் ஸ்பெஷல்.. காலையில் வேகவேகமாக எழுந்து ரெடியாகி சாப்பாட்டை முடித்துவிட்டு கடிகாரத்தைப் பார்த்துக் கொண்டு ரேடியோவின் அருகில் நான் உட்காரும் ‘அழகைப்’ பார்த்தவுடனேயே என் அக்கா கேட்பார், “ஓ.. இன்னிக்கு மேட்ச் இருக்கா..?” என்று.. “அப்புறம்.. டெஸ்ட் மேட்ச்சு...” என்பேன்.. அவ்வளவுதான் எனது பேச்சு.. அதற்குப் பின் மாலை 4.40 மணிக்கு மேட்ச் முடியும்வரை ரேடியோவே கதி.

நான் மட்டுமல்ல.. அன்றைக்கு இந்தியா முழுமைக்குமே இருந்த இளைய சமுதாயத்தினரை கட்டிப் போட்டிருந்தது கிரிக்கெட்.. எப்படி..?

கிரிக்கெட் கிரவுண்டின் சுற்றளவு எவ்வளவு..? பந்து எதனால் ஆனது..? பிட்ச் என்றால் என்ன? கிரிக்கெட் பேட் என்ன விலை..? அதை எப்படித் தயாரிக்கிறார்கள்? என்கின்ற கிரிக்கெட்டின் அடிப்படை தெரியாதவர்கள்கூட ரேடியோவில் தலை சாய்த்துப் படுத்துறங்கினார்கள் என்றால்... என்ன காரணம்? கிரிக்கெட்டா..? அல்லது பொழுது போகாமல் இருந்தார்களா..?

என்னைக் கேட்டால் இவை இரண்டுமில்லை.. மொழிதான் முதல் காரணம்.. என்பேன்.

ஆம்.. என்னைப் பொறுத்தவரையில் தமிழ்நாட்டின் நகரப் பகுதிகளிலும், ரேடியோ கோலோச்சிக் கொண்டிருந்த கிராமப்புறங்களிலும் கிரிக்கெட் என்னும் விளையாட்டை வளர்த்தவர்கள் யாரெனில், கிரிக்கெட் வீரர்களைவிட கிரிக்கெட் போட்டியின் தமிழ் வர்ணனையாளர்கள்தான்.

காலை 9 மணிக்கெல்லாம் ரேடியோவில் நிகழ்ச்சிகள் முடிந்து, “மீண்டும் ஒலிபரப்பு, சென்னை, சேப்பாக்கம் எம்.ஏ.சிதம்பரம் விளையாட்டரங்கில் நடைபெறும் இந்திய-இங்கிலாந்து அணிகளுக்கிடையேயான முதல் கிரிக்கெட் டெஸ்ட் போட்டியின் முதல் நாள் ஆட்டம் பற்றிய நேரடி தமிழ் வர்ணனையோடு காலை 9.55 மணிக்குத் துவங்கும்..” என்ற அறிவிப்போடு முடிவடையும்.

இந்த 55 நிமிடத்திற்குள்தான் வீட்டினர் யாராக இருந்தாலும் என்னிடம் வேலை சொல்ல வேண்டும். அதற்கு மேல் என்றால், வீட்டில் ஒரு ‘இராமாயணம்’தான். என் தந்தையும் கொஞ்சம் கிரிக்கெட்டில் ஆர்வம் உள்ளவர் என்பதால் அவரும் தயாராக இருப்பார்.

நேரம் நெருங்க, நெருங்க அடிவயிற்றில் ஒரு இனம் புரியாத சந்தோஷம். கிரிக்கெட் கேட்கப் போகிறேன் என்பதைவிட, எனக்குத் தெரிந்த மொழியில் கேட்கப் போகிறேன் என்கிற சந்தோஷம்தான் அதிகம்.

மணி 9.55 மணிக்கு ஒருவித அறிமுக இசையோடு ரேடியோ தனது ஒலிபரப்பைத் துவக்கும். முதலில், “வணக்கம். திருச்சிராப்பள்ளி வானொலி நிலையம்.. நேரம் காலை 9 மணி 55 நிமிடங்கள். இப்பொழுது சென்னை, சேப்பாக்கம் எம்.ஏ.சிதம்பரம் விளையாட்டரங்கில் இன்று துவங்கும் இந்திய-இங்கிலாந்து அணிகளுக்கிடையேயான முதல் கிரிக்கெட் டெஸ்ட் போட்டியின் முதல் நாள் ஆட்டம் பற்றிய நேரடி ஒலிபரப்பு, இன்னும் சில நொடிகளில் சென்னையிலிருந்து ஒலிபரப்பாகும்..”

இந்த வரிகளைக் கேட்டதும் என்னையறியாமல் கை தட்டுவேன்.. எவ்வித எதிர்பார்ப்பும் இல்லாத மட்டற்ற ஒரு சந்தோஷம் அன்றைக்கு..

தொடர்ந்து, “நேயர்களே.. இப்பொழுது உங்களை சென்னை, எம்.ஏ.சிதம்பரம் விளையாட்டரங்கிற்கு அழைத்துச் செல்கின்றோம்..” என்று சென்னை வானொலி நிலையத்திலிருந்து பேசுவார்கள்..

இதுவரைதான் நான் நானாக இருப்பேன்.. இதற்குமேல் நான் பொம்மலாட்டக் கலைஞர்கள் போன்ற கிரிக்கெட் வர்ணனையாளர்களின் கையில்தான்.. அவர்கள் மதியம் லன்ச் பிரேக் விடும்போதுதான் எனது கவனமும் வீட்டுப் பக்கம் திரும்பும். அதுவரையில் நான் அவர்களது அடிமைதான்.. காரணம் அவர்கள் பேசிய தமிழ்.. தமிழ்.. தமிழ்..

முதலில் கேட்பது கிரிக்கெட் ரசிகர்களின் கூச்சலும், விசில் சப்தமும்தான்.. அப்போதே என்னை யாரோ மாயக் கம்பளத்தில் வைத்து தூக்கிச் சென்று ஸ்டேடியத்தில் அமர வைத்திருப்பது போல் தோன்றும்.

“வணக்கம் நேயர்களே.. சென்னை, சேப்பாக்கம் எம்.ஏ.சிதம்பரம் ஸ்டேடியத்திலிருந்து கூத்தபிரான் பேசுகிறேன்..” என்று முதல் குரல் ஒலிக்கும்.. அடுத்து அவர் என்ன பேசுவார் என்பதை நானே முடிவு செய்து ரேடியோ குரலுக்கு ஊடாக பேசுவேன்.

“இந்திய-இங்கிலாந்து அணிகளுக்கு இடையேயான முதல் டெஸ்ட் போட்டி இன்னும் சில நொடிகளில் துவங்க இருக்கிறது.. ‘பூவா’, ‘தலையா’ போட்டுப் பார்த்ததில் இங்கிலாந்து அணி டாஸ் ஜெயித்து, பேட்டிங்கை தேர்வு செய்திருக்கிறது.. முதலில் இரு அணியிலும் உள்ள வீரர்களைப் பற்றிப் பார்ப்போம்..” என்று சொல்லி இரு அணி வீரர்களின் பெயர்களையும் சொல்வார்.

அநேகமாக இந்திய அணி நான் ரேடியோவில் தமிழ் வர்ணனை கேட்கத் துவங்கிய காலக்கட்டத்தில் இப்படித்தான் இருந்தது என்று நினைக்கிறேன்.

“சுனில் மனோகர் கவாஸ்கர், அன்ஷ¤மன் கெய்க்வாட், திலீப் வெங்க்சர்க்கார், குண்டப்பா விஸ்வநாத், சந்தீப் பாட்டீல், மொஹீந்தர் அமர்நாத், கபில்தேவ், கிர்மானி, யஷ்பால் சர்மா, ரோஜர் பின்னி, திலீப் தோஷி, கார்சன் காவ்ரி” என்று இருக்கும்.(என் நினைவில் இருக்கும்வரையிலும் எழுதியிருக்கிறேன்)

“வானம் மப்பும், மந்தாரமுமாக காட்சியளிக்கிறது.. போதுமான அளவு வெளிச்சம் மைதானத்தில் பரவியுள்ளது. ஸ்டேடியம் ரசிகர்கள் கூட்டத்தில் நிரம்பி வழிகிறது..” என்று கூத்தபிரான் சொல்லிக் கொண்டிருக்கும்போதே திடீரென்று ரசிகர்களின் கை தட்டல் ஓசை பலமாகக் கேட்கத் துவங்க.. முதல் பந்தை வீச கபில்தேவ் தயாராகிவிட்டார் என்பதை நான் புரிந்து கொள்வேன்.

“இதோ இந்தப் போட்டியின் முதல் பந்தை வீசுவதற்காக ஆயத்தமாகிறார் ஹரியானா சிங்கம் கபில்தேவ்.. ஆஜானுபாகுவான தோற்றம்.. நெடு நெடு என்ற உயரம்.. இதோ வாலாஜா சாலை முனையிலிருந்து தனது ஓட்டத்தைத் துவக்குகிறார் கபில்தேவ்.. குதிரையின் ஓட்டத்தைப் போல், படிப்படியாக, சீரான வேகம் பெற்று, வலக்கை விக்கெட்டின் மேல் வர பந்தை வீசுகிறார். பந்து off stemp-க்கு சற்று வெளியே விழுந்து செல்ல இயான் போத்தம்(என்று நினைத்துக் கொள்ளுங்கள்) அதை ஆடாமல் அப்படியே விட்டு விடுகிறார். ரன் எடுக்கும் வாய்ப்பு இல்லை...” என்று முதல் பந்திற்கான கமெண்ட்ரி முடிவடையும்.

நான் அப்போது பள்ளியில் படிக்கும் சிறுவன் என்பதனால் இந்த வார்த்தைப் பிரயோகங்கள் என்னைக் கட்டிப் போட்டிருந்தன. இதில் சொல்லப்பட்ட “ஆஜானுபாகுவான தோற்றம், நெடு நெடு என்ற உயரம்..” போன்ற வரிகள் ஒரு புதிய தமிழை எனக்கு அப்பொழுதே கற்றுக் கொடுத்தன.

கபில்தேவை புகைப்படத்தில் பார்த்திருப்பதினால் ‘குண்டா, உசரமா இருந்தா இப்படிச் சொல்வாங்க போலிருக்கு’ என்று நானே நினைத்துக் கொள்வேன்..

“படிப்படியாக, சீரான வேகம் பெற்று..” என்ற வரிகள் ஓடி வருவதை வர்ணித்துச் சொன்னவைகள் என்றாலும், ஒரு கவன ஈர்ப்பைச் செய்தன என்பதை மறுப்பதற்கில்லை.

“வலக்கை விக்கெட்டின் மேல் வர..” என்ற வரிகள் நிரம்பவே யோசிக்க வைத்த வரிகள். இதற்கான விளக்கத்தை நான் அப்போது விளையாடி வந்த கிரிக்கெட் டீம் கேப்டனும் நான் குடியிருந்த வீட்டின் சொந்தக்காரரின் மகனுமான ஏசு அண்ணனிடம் பின்பு கேட்டுத் தெரிந்து கொண்டேன்.

வலது கையைத்தான் 'வலக்கை' என்றும், அம்பயர் நிற்குமிடத்தில் நிறுவப்பட்டிருக்கும் ஸ்டம்ப்புகளைத்தான் 'விக்கெட்டுகள்' என்றும் வர்ணிக்கிறார்கள் என்பது புரிந்தது. அதென்ன “மேல் வர..?” இதற்கும் ஒரு தனி விளக்கம் கிடைத்தது. பந்தைப் பிடித்து வீசுகின்ற கை, அந்த ஸ்டம்ப்புகளின் மேலே உயரத்தில் செல்வதைத்தான் “மேல் வர..” என்று வர்ணிக்கிறார்கள் என்பது புரிந்தது.

“வாலாஜா சாலை முனை, பட்டாபிராம் கேட் முனை” என்று இரண்டு இடங்களில் இருந்துதான், பந்து வீச்சாளர்கள் பந்து வீச வருவதாக வர்ணனையாளர்கள் சொல்வார்கள்.

‘அதென்ன வாலாஜா சாலை முனை, பட்டாபிராம் கேட் முனை..?’ என்று முனைப்புடன் விசாரித்து சென்னை எந்தப் பக்கம் இருக்கிறது என்பது கூடத் தெரியாத நிலையில் சேப்பாக்கம் ஸ்டேடியம் அமைந்திருக்கும் ரோட்டின் பெயர் ‘வாலாஜா ரோடு’ என்ற செய்தியை ஏதோ எனக்கு மட்டும்தான் தெரிந்த ரகசியம்போல் சக மாணவர்களுடன் வகுப்பறையில் கிசுகிசு பாணியில் பகிர்ந்து கொண்டு பெருமைப்பட்டுக் கொண்டது நினைவுக்கு வந்து தொலைகிறது..

தொடர்ந்து வர்ணனையில் “இதோ அடுத்த பந்தை வீச ஓடி வருகிறார் கபில்தேவ். வீசுகிறார். அளவு குறைந்து வந்த பந்து.. போத்தம் அதை மிக அழகாக மிட்ஆன் திசையிலே திருப்பி அடித்துள்ளார்.. பந்து எல்லைக் கோட்டை நோக்கிச் செல்கிறது. மொஹீந்தர் துரத்திச் செல்கிறார். இல்லை.. அவரால் பிடிக்க முடியவில்லை.. பந்து எல்லைக் கோட்டைக் கடந்து சென்று விட்டது.. நான்கு ரன்கள்.. இங்கிலாந்தின் எண்ணிக்கை விக்கெட் இழப்பின்றி நான்கு ரன்களாக உயர்ந்துள்ளது. இயான் போத்தம்(என்று நினைத்துக் கொள்ளுங்கள்) நான்கு ரன்களுடன் களத்தில் இருக்கிறார்..” என்று தொடர்ந்து மின்னல் வேகத்தில் வெளியாகும் வார்த்தைகளைக் கேட்டு ஆச்சரியப்படும் முதல் விஷயம்.. “எப்படி இவ்ளோ ஸ்பீடா பேசுறாங்க..?” என்று..

பந்து வீச்சைத் தொடர்ந்து சென்று மட்டையில் அடி வாங்கி, அடிக்கப்பட்ட திசையில் பந்து சென்று ஓரிடத்தில் முட்டி மோதி நிற்கும்வரையிலும் இவர்கள் கொடுத்த வர்ணனை இருக்கிறதே.. அதைக் கேட்கும்போதே ஏதோ நானும் உடன் கூடவே ஓடிச் செல்வதைப் போலவே இருக்கும்.

இந்த ‘எல்லைக்கோடு’, ‘பவுண்டரி லைன்’, ‘விக்கெட் இழப்பின்றி’ என்ற புதிய தமிழ் வார்த்தைகளெல்லாம் என்னைப் போன்ற சிறுவர்களுக்கு தமிழ் மொழியின் மீது ஒருவித ஆர்வத்தை ஏற்படுத்திய வார்த்தைகள்.

ஒரு முறை மணீந்தர்சிங் பேட்டிங் செய்து கொண்டிருந்தார். யார் பந்து வீசினார்கள் என்பது தெரியாது. ஆனால் மணீந்தர்சிங் கிளீன்போல்டு ஆனார், அதை மிக அழகாகச் சொன்னார்கள் வர்ணனையில் இப்படி..

“பந்தும் வந்தது.. மணீந்தர்சிங்கும் பாதி மைதானம் இறங்கி மட்டையை வீசினார். வீசின வேகத்துடனேயே ஒரு சுற்று சுற்றித் திரும்பிப் பார்த்தார். மிடில் ஸ்டம்ப்பை காணவில்லை..” என்று.. அவுட் ஆனதையே கொஞ்சம், கொஞ்சம் சுவாரஸ்யப்படுத்தியது வர்ணனைக்கு அழகு சேர்த்த விஷயம்.

“மொஹீந்தர் அமர்நாத் வீசிய இந்தப் பந்தை முடாசர் நாசர் ஏறி வந்து அடித்தார். பந்து எல்லைக் கோட்டை அல்ல.. மைதானத்தை வானத்திலேயே கடந்தது..” என்று சிக்ஸர் அடித்த அழகை, இவர்கள் சொன்ன தமிழ் இன்னும் கொஞ்சம் கூட்டியது.

“சுனில் கவாஸ்கர்.. இந்தியாவின் நம்பிக்கை நட்சத்திரம்.. இதோ தயாராக இருக்கிறார். அவருக்கு பந்து வீச வருவது மால்கம் மார்ஷல்.. இதோ வருகிறார் மார்ஷல்.. வீசுகிறார்.. out side of the off stump.. கவாஸ்கர் இதை மிக மிக அழகாக டிரைவ் செய்தார்.. கண்டிப்பாக நான்கு ரன்கள். சந்தேகமேயில்லை...” என்று பவுண்டரியை இவர்களே முடிவு செய்து சொல்லும்போது கவாஸ்கரைவிட வர்ணனையாளர்தான் எங்களுக்குப் பிடித்தமானவராக இருந்தார்.

வர்ணனையாளர்கள் யார், யார் என்று பார்த்தால் கூத்தபிரான், கணேசன், அப்துல்ஜப்பார், ராமமூர்த்தி என்ற நான்கு பெயர்கள் மட்டுமே எனக்கு நினைவிருக்கிறது. இவர்களோடு புள்ளியியல் நிபுணராக சாரி என்பவர் இருப்பார்.

கணேசன் எதற்கெடுத்தாலும் ஒரு புள்ளிவிவரத்தைச் சொல்லி நம்முடைய புள்ளியாளர் சாரி அவர்கள் இதைச் சொல்கிறார் என்று அவரையும் எங்களிடத்தில் அறிமுகப்படுத்துவார்.

கூத்தபிரானின் குரல் கொஞ்சம் வெண்கலக் குரல்.. ஒலி அதிகமாகவே இருக்கும். கணேசனின் குரல் நடுவாந்திரம்.. அதில் மென்மை கலந்திருக்கும். ஆனால் அப்துல்ஜப்பார்.. ?

“அடுத்து பட்டாபிராம் கேட் முனையிலிருந்து மால்கம் மார்ஷல் பந்து வீச வருகிறார். இங்கே வர்ணனையைத் தொடர நண்பர் அப்துல்ஜப்பார் அவர்கள் வருகிறார்.. வாருங்கள் ஜப்பார்..” என்று சொல்லி கணேசன் விலகியவுடன் “வணக்கம் நேயர்களே..” என்று ஜப்பார் ஸார் ஆரம்பித்தவுடன் என் தந்தை “டேய் சவுண்டை குறைடா..” என்பார். எனக்கு அப்போதெல்லாம் பிடிக்காத ஒரு விஷயம் ரேடியோவில் சவுண்டை குறைப்பதுதான்.. “முடியாது..” என்பேன். வீட்டினர் அனைவரும் சவுண்ட்டை “குறையேண்டா..” என்று கத்தியவுடன் வேண்டாவெறுப்பாக குறைப்பேன். அவ்வளவு உச்சஸ்தாயி சவுண்ட்.. ஆனாலும் மிக மிக கவர்ச்சியான குரல் அந்த மனிதருக்கு..

“மூன்று ஸ்லிப்கள், ஒரு கவர் பாயிண்ட், மிட் ஆன், மிட் ஆ·ப், மிட் விக்கெட், லாங் ஆன், லாங் ஆ·ப் என்ற பரந்த வியூக அமைப்பு” என்று அப்துல் ஜப்பார் அவர்கள் சொல்கின்ற அழகே தனி அழகு.

இதில் இந்த ‘பரந்த வியூக அமைப்பு’ என்கிற வார்த்தைக்கு மறுநாள் தமிழ் ஆசிரியரிடம் விளக்கம் கேட்டுத் தெரிந்து கொண்டது எனக்கு இப்போது நினைவுக்கு வருகிறது.

இது போன்ற தமிழ் வார்த்தைகள் அநேகம் கல்லூரி பாட நூல்களில் பயன்படுத்தப்பட்ட வார்த்தைகள்.. மிக, மிக எளிதாக இதையெல்லாம் பள்ளிச் சிறுவர்களிடம் கொண்டு சென்ற பெருமைக்குரியவர்கள் இந்த ஆசான்கள்தான்.

மற்ற வர்ணனையாளர்களைவிட எனக்கு ஜப்பாரையை அதிகம் பிடிக்கும். காரணம் அவரது குரல் வளம்தான்..

சில சமயங்களில் மதிய நேரத்தில் வீட்டுக்கு வந்து சாப்பிட்டுவிட்டு ஸ்கூலுக்குத் திரும்பிப் போகும்போது ரோட்டோர கடைகளிலும், வீடுகளிலும் ஒலித்துக் கொண்டிருக்கும் ரேடியோவில் கமெண்ட்ரியை நின்று, நின்று கேட்டபடியே பள்ளிக்குச் செல்வேன். அப்போதெல்லாம் அனைவரையும்விட நிமிடத்திற்கு நிமிடம் ஸ்கோர் போர்டை சொன்னது ஜப்பார் ஸார்தான்.

இந்த நான்கு வர்ணனையாளர்களும் ஆளுக்கு 10 அல்லது 15 நிமிடங்கள் எடுத்துக் கொள்வார்கள் என்று நினைக்கிறேன். அவரவரின் நேரங்களில் தங்களுக்குத் தெரிந்த தமிழை, விளையாட்டோடு இணைத்து உணர்ச்சி ததும்ப சொன்னதுதான் இவர்களது சிறப்பு.

கவாஸ்கரோ, கபில்தேவோ அவுட்டானால் சாதாரணமாகச் சொல்ல மாட்டார்கள். “இந்தியா தனது விலை மதிக்க முடியாத விக்கெட்டை இழந்துவிட்டது” என்பார்கள். இதில்கூட ஒரு அழகுத் தமிழைப் புகுத்தி கேட்பவரை உணர்ச்சிவசப்பட வைக்கும் ஆற்றல் இந்த வர்ணனையாளர்களுக்கு இருந்தது.

கவாஸ்கர் எப்போதுமே காட்டடியெல்லாம் அடிக்க மாட்டார். அவருடைய ஸ்ட்ரோக்குகள் எல்லாமே அழகாக இருக்கும். இப்போது டெண்டுல்கர் விளையாடுவதைப் போல..

“ஹாட்லி வீசிய அந்தப் பந்தை மிக அழகாக, பந்து காலில் பட்டதா அல்லது கால்காப்பில் பட்டதா என்பதே தெரியாத அளவுக்கு மிக நுணுக்கமாக தனது கால் திசையிலே திருப்பி விட்டார் கவாஸ்கர்.. பந்து எல்லைக் கோட்டை மின்னல் வேகத்தில் கடந்தது..” என்பார்கள்.

இதிலே காலில் கட்டிக் கொள்ளும் Pad-ஐ கால்காப்பு என்றழைப்பதாக தெரிந்து கொண்டேன். இதிலே சொல்லப்படுகின்ற தமிழாலேயே, கவாஸ்கர் என்றாலே மிக அழகாக அடிப்பவர் என்று நானே நினைத்துக் கொண்டேன்.

அன்றைய காலக்கட்டத்தில் மைதானத்தில் ஜென்டில்மேன் என்றால் திலீப் வெங்ச்சர்க்காரைத்தான் சொல்வார்கள். ஏன் என்றால் அவர் ஆர்ப்பாட்டமில்லாமல் வருவார். அதேபோல் திரும்பிச் செல்வார்.

“நான் பேசிக் கொண்டிருக்கும்போதே பந்தை வீசுகிறார் இம்ரான்கான். அளவு குறைந்து வந்த பந்து. வெங்க்ச்சர்க்காரின் கால்காப்பில் படுகிறது.. வீரர்கள் எல்.பி.டபிள்யூ கேட்டுள்ளார்.. ஆம்.. வெங்க்ச்சர்க்கார் அவுட். இந்தியா தனது நான்காவது விக்கெட்டை இழக்கிறது...” என்பார்கள்..

இதில் எல்.பி.டபிள்யூ என்பதற்கான விரிவாக்கமான 'Leg Before Wicket' என்பதை கிரிக்கெட் மேட்ச் விளையாடப் போகும்போது சக வீரர்களிடம் கேட்டுத் தெரிந்து கொண்டேன்.

“இதுக்கு என்னடா அர்த்தம்..?” என்று என் அப்பா கேட்க நான் அதற்கு “Leg Before Wicket” என்று கிளாஸ் ரூமில் சொல்வதைப் போல் சத்தமாகச் சொல்ல, என் அம்மா அப்பாவிடம் பெருமையாக, “எம்புள்ளை எப்படி இங்கிலீஷ் பேசுறான் பாருங்க..” என்று சொல்லி சிரித்ததை இப்போது நினைத்தாலும் ஒரு மாதிரி வெட்கமாகத்தான் உள்ளது.

ஆனாலும் ஒரு நடுத்தர வர்க்கக் குடும்பத்தின் ஒரு நொடி மகிழ்ச்சிக்கும் ஒரு மொழி காரணகர்த்தாவாக இருக்க முடிகிறதே என்பது, உங்களது வாழ்க்கையிலும் நிச்சயம் நடந்திருக்கும்.

“அப்துல் காதீர் வீசிய அந்தப் பந்து கிருஷ்ணமாச்சாரி ஸ்ரீகாந்த்தின் கால் காப்பில் பட்டுள்ளது. வீரர்கள் அவுட் கோருகின்றனர். ஆனால் அம்பயரோ திட்டவட்டமாக அது அவுட் இல்லை என்று தலையை அசைத்து மறுக்கிறார். இதனால் இந்திய அணிக்கு எந்த ஆபத்தும் இல்லை..” என்று சற்று டென்ஷனைக் கூட்டிச் சொல்லும்போது உட்கார்ந்து கேட்கின்ற நான் அப்படியே எழுந்து ரேடியோவின் அருகில் சென்று காதை வைப்பேன்.. அந்த அளவுக்கு வர்ணனையின்போதே கிரிக்கெட் மீதான ஆர்வத்தை வெறியாக மாற்றிய பெருமை, இந்த கிரிக்கெட் வர்ணனையாளர்களுக்கே உண்டு.

ஒரு டெஸ்ட் மேட்ச்சில் இந்திய அணி வீரர்கள் ஒரு நாள் மேட்ச்சைப் போல் விளையாடி ஒருவர் பின் ஒருவராக பெவிலியன் திரும்பிக் கொண்டிருந்தார்கள். அதைப் பார்த்து, “யாராவது இந்திய அணி வீரர்களிடம் சென்று இன்றைக்கு நடப்பது டெஸ்ட் மேட்ச் என்று ஞாபகப்படுத்தினால் நல்லது என்றே நினைக்கிறோம்.. ஒரு நாள் போட்டியின் தாக்கம் இன்னும் நமது வீரர்களை விடவில்லை போலும்..” என்று இவர்களே இந்திய அணியின் ரசிகர்களாக மாறி எங்களைப் போன்றவர்களின் எண்ணங்களையும் அப்போதே வெளிப்படுத்தியுள்ளார்கள்.

ஒரு முறை சென்னையில் ரவிசங்கர் சாஸ்திரி பேட்டிங் செய்து கொண்டிருந்தார். அப்போதே அவருக்கு நாங்கள் ‘கட்டை மன்னன்’ என்று பெயர் வைத்திருந்தோம். அவ்வளவு ஸ்லோவாக ரன் எடுப்பார்.. அது ஒரு நாள் போட்டி. அன்றைக்குப் பார்த்து தொடர்ந்து 2 ஓவர்களில் ரவிசாஸ்திரி ரன் எடுக்காமல் ‘தடவிக்’ கொண்டிருக்க.. ரசிகர்கள் கூச்சலிடத் துவங்கினார்கள்.

அப்போது வர்ணனை செய்தவர், “ரவிசங்கர் சாஸ்திரி தனது கால் காப்பு, கை காப்பு, ஹெல்மெட் என்று அனைத்தையும் சரி செய்து கொண்டு இதோ விவியன் ரிச்சர்டின் பந்து வீச்சை எதிர்கொள்ளத் தயாராக இருக்கிறார்.. ரிச்சர்டும் பந்து வீச தயாராக இருக்கிறார்.. ரசிகர்களும் பதினைந்து நிமிடங்களுக்குப் பிறகு இப்போதாவது ரவிசாஸ்திரி தனது மட்டைக்கு வேலை கொடுக்க மாட்டாரா என்ற பரிதவிப்போடு உள்ளார்கள். இதோ commentators-ஆன நாங்களும், எங்களது கமெண்ட்ரி வேலைக்கு ஒரு வாய்ப்பு வராதா என்று காத்திருக்கிறோம்..” என்று சற்று நகைச்சுவையாகச் சொன்னது இன்றைக்கும் எனக்கு நினைவிருக்கிறது.

ஆட்ட நேரம் முடிந்தவுடன் அன்றைய போட்டியின் ஸ்கோர் போர்டை வாசிக்கும் அழகுக்கே தனி சல்யூட் செய்யலாம்.

“கவாஸ்கர் caught சர்பிராஸ்நவாஸ் bowl இம்ரான்கான் 32. அப்போது இந்திய அணியின் ஸ்கோர் 64..” என்று ஆரம்பித்து 10 பேர்களின் பெயர்களையும் சொல்லி முடிப்பதற்குள் நான் அதை குறித்து வைக்கத் திணறுவேன்.. ஆனால் இதில் அனைத்திலும் ஒரு அழகு இருந்தது.. வேகம் இருந்தது.. சுவை இருந்தது.

கிரிக்கெட்டின் அனைத்து நுணுக்கங்களையும், அதன் உபகரணங்களையும், கிரிக்கெட் பீல்டின் அமைப்புகளையும் அந்தச் சிறு வயதிலேயே எங்களுக்குக் கற்றுக் கொடுத்தவர்கள் இந்த பிரதிபலன் எதிர்பாராத தமிழ் கிரிக்கெட் வர்ணனையாளர்கள்தான்.

அப்போதெல்லாம் ‘கல்லி’ எங்கே இருக்கிறது.. ‘ஸ்லிப்’ எங்கே இருக்கிறது.. ‘டீப் ஸ்கொயர் லெக்’ எங்கே இருக்கிறது என்று யாருக்குத் தெரியும்..? நாங்கள் விளையாடுகின்ற மேட்ச்சில்கூட நாங்க பார்த்து எங்கே ஆளை நிறுத்துகிறோமே அதுதான் ‘கல்லி’.. அதுதான் ‘ஸ்லிப்’.. அதுதான் ‘ஸில்லி பாயிண்ட்’..

இப்படி கிரிக்கெட்டின் அனைத்து நுணுக்கங்களையும் எந்தப் பள்ளியிலும் சொல்லித் தராமல் நாங்களே கற்றுக் கொண்டோம் என்றால் அது இந்த கிரிக்கெட் வர்ணனையாளர்களால்தான்.

காலம் மாறியது.. காட்சிகளும் மாறியது.. கோலங்களும் மாறின. தொலைக்காட்சிகள் வீட்டின் சமையல்கட்டுவரைக்கும் தனது ஆக்கிரமிப்பைத் தொடங்கியவுடன், ரேடியோவின் தமிழ் வர்ணனை கொஞ்சம் கொஞ்சமாக தனது முக்கியத்துவத்தை இழந்தது.

நானும் ஒரு முறை சென்னையில் நடந்த மேட்ச்சை ரேடியோ கமெண்ட்ரியையும், டிவியையும் அருகருகே வைத்து பார்த்தும், கேட்டும் கொண்டிருந்தேன். அப்போதுதான் தெரிந்தது கிரிக்கெட் வர்ணனையாளர்கள் எப்பேர்ப்பட்ட ரசிகர்கள் என்று.. எப்பேர்ப்பட்ட ஆசான்கள் என்று..

ஒவ்வொரு முறையும் பந்து பவுண்டரி லைனைக் கடக்கும்போது ரசிகர்களின் கை தட்டலுக்கு ஈடாக, இந்த வர்ணனையாளர்களும் ஒரு உற்சாகத்தை தங்களுக்குள் வரவழைத்து ரேடியோ ரசிகர்களையும் பரவசப்பட வைத்துள்ளார்கள் என்பது கண்கூடாகத் தெரிந்தது.

காலம் செல்லச் செல்ல ஒதுக்கப்பட்ட ரேடியோவைப் போலவே, இந்த கிரிக்கெட் வர்ணனையாளர்களும் ஒதுக்கப்பட்டு விட்டார்கள் என்றே தோன்றுகிறது.

சமீபத்தில் லேட்டஸ்டாக சென்னையில் நடந்த ஒரு மேட்ச்சில் தமிழில் வர்ணனை செய்யப்படவில்லை. காரணம் கேட்டால் யாரும் பதில் சொல்ல முன் வரவில்லை.

தொலைக்காட்சியில் பார்க்க வாய்ப்பில்லாதவர்கள் ரேடியோவில் கமெண்ட்ரியாவது கேட்டு ஆசுவாசப்படுவார்களே என்றால், இப்போது கிரிக்கெட்டிற்கு தமிழ் மொழி தேவையில்லாததாகிவிட்டது போலும்.. ஆங்கிலம், இந்தி கமெண்ட்ரி மட்டுமே.

என்னைக் கேட்டால் இந்தியாவில் எங்கே கிரிக்கெட் மேட்ச் நடந்தாலும் அங்கே அனைத்து பிராந்திய மொழி நேரடி வர்ணனைகளும் ஒலிபரப்பு செய்யப்பட வேண்டும். இது கிரிக்கெட்டிற்காக அல்ல.. என்னைப் போன்ற இப்போது வளர்ந்து வரக்கூடிய சிறுவர்கள் தத்தமது மொழியை இலகுவாக கற்றுக் கொள்ள ஏதுவாக இருக்கும்.

மொழி ஒரு பிரச்சினை இல்லையெனில், எந்தவொரு விஷயத்தையும் எளிதாகச் செய்து முடிக்க முடியும்.

எங்கோ இங்கிலாந்தில் ஆரம்பித்து இன்றைக்கு இந்தியா முழுமைக்குமே மூணு குச்சி, ஒரு பேட், ஒரு பால் என்று வைத்து இணைக்க முடிந்ததெனில் அது மொழியால் மட்டுமே முடிந்த செயல்..

அந்த நல்லிதயம் படைத்த தமிழ் கிரிக்கெட் வர்ணனையாளர்களுக்கு என்னைப் போன்ற அவர்களது தயவால் வளர்ந்த கிரிக்கெட் ரசிகர்கள் சார்பில் எனது மனமார்ந்த நன்றியினைத் தெரிவித்துக் கொள்கிறேன்.

பெரியார் தேவையா ?

2008-10-10T17:48:00.007+05:30

அனைவருக்கும் வணக்கம் .பா.கே.ப.வலைப்பூவின் நிறுவனர் கூடுதுறை ஆசியோடும் ,மற்றும் ஒரு பதிவர் நண்பர் .ஈரோடு பதிவர் சங்க தலைவர்(சும்மா லு..லு.லாயிக்கி ) வால்பையன் ஆசியோடு என் முதல் சுட்ட பழத்தை சமர்பிக்கின்றேன் ...

..காசிக்கு நிகரான கூடுதுறை,கொடுமுடி ஸ்தலங்களுக்குமத்தி பகுதி ஈரோடு மண்ணின் மகத்தான தலைவர் பெரியார் தன்மான முள்ள அனைவருக்கும் பிடித்த தலைவர்.அதே சமயம் கடவுள்,பிரார்த்தனை போன்றவற்றை ஒதுக்கி கருப்பு சட்டையோடு அலையும் அளவு நேசிப்பதில்லை ..மூட நம்பிக்கை யால் அழிந்து போகும் அப்பாவி பாமரர்களை காக்கும் எவரும் பெரியார் தான் .

பழைய பதிவுகளை படித்து கொண்டிருந்த போது செந்தழில் ரவியின் .ஸ்ரீரங்கத்தில் பெரியார் தேவையா என்ற கட்டுரை ஸ்வரஸ்யமாக இருந்தது ..நீங்களும் படித்து பாருங்கள்http://tvpravi.blogspot.com/2006/12/blog-post_08.html

இன்றைய தினத்தந்தியில் பார்த்தவிஷயம், ஸ்ரீரங்கத்தில் பெரியார் சிலை உடைப்பு, அதற்க்கு கலைஞர் கண்டனம்....ஸ்ரீரங்கப்பெரியார் சிலை புகைப்படம் ( முக்காடிட்டது)..அதன் பின்னனியில் ஸ்ரீரங்கம் ஆலயத்தின் கோபுரமும்... சரியான படம் கிடைக்கவில்லை....அதனால் நெட்டில் சுட்ட ஒரு படத்தை வெளியிட்டுள்ளேன்...

கடவுள் இல்லை என்று சொன்ன அந்த ஈரோட்டுக்கிழவனுக்கு எதுக்குப்பா சிலை....அவர் இருந்திருந்தா தனக்கு சிலை வைக்க ஒத்துக்கிட்டிருப்பாரா ? இல்லை பெரும்பாலனவர்களின் நம்பிக்கையான கோவிலின் முகப்பில் கடவுள் மறுப்பு இயக்கத்தை சேர்ந்தவரின் அடையாளத்தை "வைக்க"த்தான் ஏற்றுக்கொண்டிருப்பாரா ?

மற்றவர்கள் மனம் புன்படும் என்றால் அந்த புண்ணை குத்திக்கிளர ஒத்துக்கொண்டிருப்பாரா ? அப்படி என்ன பெரிதாக கண்டறிந்துவிட்டார் அந்த ஈரோட்டுக்கிழவர் ? வெளிவேடம் போடாதீங்கடா, நீங்கள் நீங்களாக இருங்கள் என்று மியூனிச்சில் உடையில்லாமல் நின்றது எவ்வளவு கேவலம் ? ஆண்ரமீடா கிரகத்தையும், செவ்வாயில் தண்ணீர் ஓடியதையும் காணும் இந்த நாளில் செவ்வாய் தோஷம், பரிகாரம் செய்யனும் என்று ஊரை ஏமாற்றும் ஜோசியத்தை நம்பாதீங்கடா, ஜாதகத்துல போட்டிருக்குன்னு கட்டின பொண்டாட்டியை விலக்கிவைக்கும் அபத்தத்தை செய்யாதீங்கடா, கடவுள் என்பது உங்களை ஏமாற்றி ஆட்டு மந்தைக்கூட்டமாக நடத்தப்பட்ட சதியடா என்று ஏதாவது புலம்பி இருப்பார்...

நமக்குதான் தெரியுமே...பிரம்மா,சிவன்,விஷ்னு, இவங்கதானே உலகத்தை படைச்சது...இதைத்தான் கிறிஸ்தவர்கள் காப்பியடிச்சு பிதா,சுதன்,பரிசுத்த ஆவின்னு வெச்சுக்கிட்டாங்க...பக்தியுடன் எழுதும் பதிவர்கள் அதைத்தானே நம்புறாங்க...அவங்களுக்கு பிங் பாங் தியரியை நம்பும் அளவுக்கு அறிவு இருக்கு...டார்வின் பரினாம வளர்ச்சி தியரியை பற்றி தெரிஞ்சு வெச்சிருப்பாங்க...டையனோசர் FASIL பற்றி படிச்சிருப்பாங்க...ஆனால் காலங்காலமா இருக்க ஆட்டு மந்தையிலிருந்து வெளியே வர ஏதோ ஒன்னு தடுக்கும்....

உன் புருஷன் உனக்கு துரோகம் செய்தால் அவனுக்கு துரோகம் செய்து செருப்படி கொடு என்று பெண்களுக்கு ஏதாவது வேண்டாத அறிவுரை சொல்லியிருப்பார்...தேவையா நமக்கு அது...நம் கலாச்சாரமா அது...கட்டின புருஷனை விபச்சாரி வீட்டுக்கு தூக்கிச்சென்ற பண்பாடு நமது...கல்லானாலும் புருஷன், FULL ஆனாலும் புருஷன் குவாட்டர் அடித்தாலும் புருஷன் என்று கூறிய வீரம் செறிந்த பரம்பரையாச்சே நமது தமிழ் பரம்பரை.....

மர்பிஸ் லா (Murphy's Law) அப்படீன்னு ஒன்னு இருக்கு...எது பெயிலாகுமோ அது பெயிலா பூடும்...உருப்புடாமே போறது உருப்புடாது...இதுக்கு மேல எளிமையா சொல்லத்தெரியல...அதனால எங்கே பிரச்சினை வர வாய்ப்பு இருக்கோ, அங்கே பிரச்சினை கண்டிப்பா வரும்...இருந்தும், தெரிந்தும், அங்கே எதற்க்காக அந்த சிலையை கொண்டுபோய் வைக்கவேண்டும்...திராவிட கட்சி ஆட்சியில இருக்கு...அதனால நாம இப்போ வைக்குறது தான் சட்டம்...அதனால கொண்டுபோய் வைப்போம்...அவன் என்ன செய்யறான்னு பார்க்கலாம் ? ஏன் இந்த திமிர் ?

அட அதெல்லாம் விடுங்க...சமீபகாலமா பெரியார் வெங்காயத்தை எப்படி உரித்தார் என்பதை வலைப்பதிவர்கள் கிழிச்சு காயப்போடுறாங்க...அவர் கன்னட வெறியர்...சாவப்போற காலத்துல கல்யாணம் செய்துக்கிட்டவர்...அப்படி எல்லாம்...ஏன் அந்த காழ்ப்புணர்ச்சி வருதுன்னு தெரியல...ஒருவேளை தூங்கிக்கிட்டு இருந்தவங்களை எழுப்பிவிட்டுட்டாரே இந்த ஈரோட்டுக்கிழவன் என்ற எரிச்சலா ? இன்னும் கொஞ்ச காலம் அடக்கி வெச்சிருந்திருக்கலாமே இவனுங்களை...ரொம்பத்தான் துள்ளுறானுங்க என்று நொந்ததால் வந்த வினை ?

இன்னும் ஓராயிரம் பெரியார் வரவேண்டும்...காலங்காலமாக கட்டிவைத்திருந்த தளைகளை அவர் நீக்கிச்சென்றார்...ஆனால் இன்னும் இந்த மக்களை பீடித்தாட்டும் மூட நம்பிக்கைகளையும், பழமை பழக்கங்களையும், தூக்கி எறிய, வாழ்ந்து காட்ட...சிலை வேண்டாம் அவருக்கு...

வா நீ...எழுந்து வா....உயிர்த்தெழ முடியும் என்று ஊரை ஏமாற்றும் கூட்டம் ஒன்று உண்டு...நானும் ஏமாந்தவன் தான் பலகாலம்..அது உண்மை என்றால் முதலில் இவனை உயிர்த்தெழ வையுங்க !!!

Y2K - பிரச்சினை - ஒரு பார்வை

2008-10-10T10:57:00.000+05:30

Y2K - பிரச்சினை

புது தில்லி, திசம்பர் 31, வருடம் 1999, இரவு 10.30 மணி. All India Radio வெளிநாட்டு ஒலிபரப்பு சேவை. நானும் போஸ் அவர்களும் காரில் சென்று இறங்கி, நியூஸ் ரூமுக்கு சென்றோம். அன்று பிரெஞ்சு செய்திகள் எழுதி படிக்க வேண்டியது என் முறை. அன்று இரவு ஒன்பது மணிவாக்கில் படிக்கப்பட்ட ஆங்கில செய்திகளின் பக்கங்கள் அங்கு எனக்கு கொடுக்கப்பட்டன.

முதல் செய்தியே Y2K பற்றித்தான். உலகமே வருடம் 2000-த்தை ஒரு வித பயத்துடன் பார்த்து கொண்டிருந்தது. அது வரை கணினியில் வருடங்களை இரு எண்களிலேயே குறிப்பிட்டு வந்தனர். உதாரணத்துக்கு 1999 வருடத்தை 99 என்று குறித்தனர். அறுபதுகளில் கணினி உபயோகம் அதிகரிக்க ஆரம்பித்த போது தேதிகளை குறிப்பிடும்போது 1960 என்பதற்கு பதிலாக 60 என்றே குறிப்பிட்டு வந்தனர். அப்போது அதை யாரும் பெரிதாக நினைக்கவில்லை. 2000 ஆண்டு நெருங்க நெருங்க பயம் ஆரம்பித்தது. அப்போதைய நிலவரப்படி வருடம் 2000 வெறுமனே 00 என்று ஆகிவிடும். அதைக் கணினி ஏற்பாடுகள் எவ்வாறு புரிந்து கொள்ளும் என்பதில்தான் குழப்பமே. அதை 1900 என்றுதான் புரிந்து கொள்ளும் என்று பலரும் நினைத்தனர். அவ்வாறின்றி 2000 என்று புரிந்து கொள்ள வேண்டுமானால் வருடங்களை நான்கு எண்களில் குறிக்க ஆரம்பிக்க வேண்டும். ஆனால் இருக்கும் எல்லா தகவல் கோப்புகளிலும் அதை 2000-க்குள் செய்து விட முடியுமா என்பதுதான் பிரச்சினைக்குரிய கேள்வி.

அப்போது கணினி பற்றி என் அறிவு பூஜ்யம். இருப்பினும் பிரச்சினையின் தீவிரத்தை புரிந்து கொள்ள முடிந்தது. இதைத் தீர்ப்பதில்தான் இந்தியர்களின் மென்பொருள் திறமை உலகுக்கு தெரிந்தது என்று நினைக்கிறேன். இது சம்பந்தமாக பல கட்டுரைகள். ஒன்றிரண்டை நான் பிரெஞ்சிலிருந்தும் ஜெர்மனிலிருந்தும் மொழிபெயர்த்ததில் எனக்கு செம துட்டு வேறு.

இப்போது ரேடியோ செய்திக்கு திரும்ப வருவோம். 9 மணி ஆங்கில செய்தியில் ஆஸ்திரேலியா, ஜப்பான் ஆகிய நாடுகள் பிரச்சினையின்றி 2000 ஆண்டுக்குள் நுழைந்தன, இந்தியா இன்னும் சிறிது நேரத்தில் அந்த கோட்டை கடக்கும் என்று செய்திகள் வாசிக்கப்பட்டன. அந்த செய்திதான் என்னிடம் மொழிபெயர்க்க கொடுக்கப்பட்டது.

ஆனால் நான் செய்தி வாசித்தபோது மணி விடியற்காலை 1.20. வெற்றிக் களிப்புடன் முதல் தலைப்பு செய்தியாக இந்தியா வெற்றிகரமாக 2000 ஆண்டிற்குள் பிரவேசம் செய்தது என்று படித்து, பிறகு விரிவான செய்தியில் ஆஸ்திரேலியா, ஜப்பான் ஆகிய நாடுகள் முதலில் அப்பிரச்சினையை வெற்றிகரமாக தாண்டினர் என்று படித்தேன். செய்தியை முடித்து விட்டு இன்னொரு அறிவிப்பாளர் செய்தி விமரிசனம் படிக்கும்போது அறையை விட்டு வெளியே வந்தேன். அப்போதுதான் கட்டுப்பாடு அதிகாரி வேகமாக வந்து என்னிடம் எனக்கு தரப்பட்ட ஆங்கிலச் செய்தியை அப்படியே மொழிபெயர்த்தேனா என்று கேட்க, அவரிடம் நான் செய்த மாறுதலைக் கூறினேன். நான் மேலும் கூறினேன்: "நாம் ஏற்கனவே 2000 ஆண்டில் பிரவேசித்து விட்டோம். எல்லாம் நல்லபடியாகத்தானே ஓடுகின்றன" என்று கூற அவரும் பாராட்டினார். இரவு 12.15-க்கு ஹிந்தி செய்தி வாசித்தவர் தனக்கு கொடுத்ததை அப்படியே மொழிபெயர்த்தார் என்பதைக் கூறிவிட்டு, நான் செய்த மாறுதலை ஆதரித்தார். ஆக அகில இந்திய வானொலியில் இந்த செய்தியை முதலில் கொடுத்தது நானே என நினைக்கிறேன்.

இப்போதும் Y2K பிரச்சினை எவ்வாறு தீர்க்கப்பட்டது என்பதில் நான் தெளிவாக இல்லை. யாரேனும் மென்பொருள் நிபுணர்கள் கூறினால் நலமாக இருக்கும். அல்லது பிரச்சினை முதலிலிருந்தே இல்லையா? எல்லாமே கற்பனைதானா?

வலைப்பூ நண்பர்கள் எல்லோருக்கும் டோண்டு ராகவனின் புத்தாண்டு வாழ்த்துக்கள்.

மேற்படி பதிவு நான் பெரிதும் மதிக்கும் திரு டோண்டு ராகவன் அவர்களின் இந்தபதிவில் வந்தது... தற்போதைய இளைய சமுதாயத்தினர் அறிந்திராத விசயம்....
நன்றி திரு டோண்டு ராகவன் ஐயாவிற்கு

பார்த்தது, கேட்டது, படித்தது.....

2008-10-09T16:18:00.004+05:30

பா...கே....ப....

பார்த்தது, கேட்டது, படித்தது.....

அன்பார்ந்த பதிவுலக வாசகர்களே, மற்றும் பதிவர்களே....

நாம் தினமும் இணையத்தில் எத்தனையோ விசயங்களை படிக்கிறோம், பார்க்கிறோம்,கேட்கிறோம் ஆனால் எத்தனை விசயங்கள் ஞாபகத்தில் உள்ளன? என்றால் அதிகம் இருக்காது...

மேலும் நமக்கு தெரிந்த விசயங்கள் நாலுபேருக்கு தெரியப்படுத்தினால் அதனால் பலரும் பயன் அடைவார்களே என்ற நோக்கத்தில் தான் இப்பதிவு ஆரம்பிக்கப்பட்டுள்ளது..

உதாரணத்திற்கு எனது கூடுதுறைப்பதிவில் அண்ணன் கணினி ஞானி திரு.தமிழ்நெஞ்சம் அவர்களின் போன வருடத்திய பதிவில் இருந்து ஒரு விசயத்தினை காப்பி பேஸ்ட் செய்து வெளியிட்டேன். அதற்கு என்ன ஆச்சர்யம் 2 நாளில் 1000 வாசகர்களுக்கு மேல் ஹிட் அடித்துவிட்டது.

படித்தது
அதானால் உருவானதுதான் இந்த யோசனை நாம் இணையத்தில் எத்தனையோ விசயங்களை படிக்கிறோம் அவற்றில் எது நன்றாக உள்ளது என்று தோன்றுகிறதோ அதை மறு பதிப்பு செய்திடலாம்.

கேட்டது
நாம் கேட்கும் ஆடியோக்களை இதில் இணைத்து அனைவரும் கேட்க வைக்கலாம்

பார்த்தது
மற்றும் நாம் எத்தனையோ வீடியோக்களை பார்க்கிறோம்... அது பழையதாக இருந்தாலும் இதில் மற்றவர்களூக்காக வெளியிடலாம்

இதில் நான் ஒருவன் மட்டும் ஆசிரியன் அல்ல இதில் நீங்களும் ஆசிரியர் ஆகலாம். இம்முகவரிக்கு விருப்பம் தெரிவித்து ஒரு ஈ-மெயில் அனுப்புங்கள். உடன் நீங்களும் ஆசிரியராக இணைக்கப்பட்டு உங்களுக்கு பதில் ஈ-மெயில் வரும்.

மேலும் ஆசிரியராக இணைய முடியாத வாசகர்கள் உங்களின் பா.கே.ப வை மேலே கண்ட ஈ-மெயிலுக்கு ஃபார்வேர்டு செய்யுங்கள்.

பயன்பெறுவோம்.... பயன் பெறச்செய்வோம்...

இணையத்தில் வலம் வரும்போது போரடிக்கிறதா ? இதைப்படியுங்கள்

2008-10-09T16:11:00.000+05:30

இணையத்தில் வலம் வரும்போது போரடிக்கிறதா ? இதைப்படியுங்கள்

இது ஏற்கனேவே கூடுதுறைப்பதிவில் வந்தது... மறு வெளியீடு

ஒரு மனிதனுக்கு எதனால் போரடிக்கிறது?

1. பார்த்த மனிதர்களையே திரும்பத்திரும்பப் பார்ப்பதால்

2. செய்யும் பணியிலே எந்தவிதமான மாறுதலும் இல்லாததால்

3. மிகுதியான ஓய்வுநேரம் - அந்த ஓய்வு நேரத்தை நல்ல பணியிலே செலவு செய்வதில் ஆர்வமின்மை.

4. சோம்பேறித்தனம் - இது இருப்பவர்கள் நிச்சயம் போரடிக்கப்படுபவர்களாகவே இருப்பார்கள்

5. பேச்சுத்துணைக்குக்கூட ஆள் இல்லாமல் - தனியே- இருப்பவர்களுக்கு மட்டும்தான் போரடிக்குமா? இல்லை. ஒரு குழுவாக - கூட்டமாக - இருப்பவர்களுக்கும்கூட பல நேரங்களில் போரடிக்கிறதே!

6. காதலுக்காக - காதலி(லன்) வருகைக்காக காத்திருப்பவர்களுக்கும் போரடிக்கிறது

7. போர்க்களத்தில் உயிரைப் பணயம் வைத்து சண்டை போடும் மாவீரனுக்கும்கூட போர் முடிந்தபிறகு வரும் அமைதியைக்கண்டால் போர்தான்.

8. அமைதியை விரும்பி வனம் சென்று தவம் செய்யும் முனிவர்களுக்குப் போரடித்ததால்தானே குட்டிக்குட்டிக் கதைகளாக பஞ்சபாண்டவர்களுக்குச் சொன்னார்கள்.

9. செய்வதற்கு 1000 வேலைகள் இருந்தும், எந்த வேலையும் செய்யத்தோணாமல் மோட்டுவளையைப் பாதுகாப்பவருக்கு மட்டும்தான் போரடிப்பதன் அருமை புரியும்.

10. பரீட்சைத்தாள் விடை திருத்துபவனுக்குப் போரடித்தால் என்ன செய்வான்? "படித்துப் பாராமலேயே - குத்துமதிப்பாக மதிப்பெண் போடுவான்". நன்றாகப் படித்து அருமையாக எழுதிய அறிவழகனுக்கும் 65 சதவீதம்தான். ஒன்றுமே படிக்காமல், ஏனோதானோ என்றெழுதிய ஏகாம்பரத்துக்கும் 65 சதவீதம்தான்.

11. போரடிப்பதிலிருந்து தப்பிப்பதற்காக சுற்றுலாப்பயணம் செய்கிறான் சுரேசு. ஆனால் அவனுக்குப் பேருந்துப்பயணம் போரடிக்கிறது. அவனால் அவனுடைய இருக்கையிலே சும்மா இருக்க முடியவில்லை. முன்பக்கத்திலே கண்டதையும் கிறுக்குகிறான்.

12. அழகான மனைவி - அருமையான வேலை - அறிவான குழந்தை(கள்) - கண்ணெதிரே கடற்கரை - காதை வருடும் மெல்லிசை - மேனியைத் தழுவிச்செல்லும் மெல்லிய தென்றல் - இவையெல்லாம் இருந்தும் அதை அனுபவிக்காதவனுக்கு அடிக்கிறது போர். இவனுமேகூட சில நேரங்களில் 'என்ன வாழ்க்கை என்று' சலித்துக்க்கொள்கிறான்.

13. கோவிலுக்குச் சென்றால் மனநிம்மதி கிடைக்கும் என்று ஆலயதரிசனம் செய்யக்கிளம்புகிறாள் கோகிலா. அவளது நிம்மதி ஆலயத்தின் வாசலிலேயே தொலைகிறது. பிச்சைக்காரர்களின் தொந்தரவால். அவளும் இன்முகத்துடன் சில்லறைகளை அவர்களிடம் தருகிறாள்.திடீரென்று அவள் மனதில் மின்னல் வெட்டு - பிச்சையெடுப்போனின் கிழிந்த உடைகளைக் காண்கிறாள். "தான் அடுத்த சென்மத்திலே இப்படி ஒரு பிச்சைக்காரியாக(காரனாக) - பிறந்துவிடுவோமோ?" எனக் கவலை கொள்கிறாள். இன்று இருக்கும் இனிமையை அனுபவிப்பது மறந்து அடுத்த சென்மத்தைப் பற்றி யோசிக்க ஆரம்பித்துக் கவலைப்படுகிறாள். இப்போது சாமிதரிசனமே கோகிலாவுக்கு பெரும் போரடிக்க ஆரம்பிக்கிறது.

14. கைதேர்ந்த மென்பொருளாளன் கணேஷ். அவன் வளைக்கிற வளைப்புக்கு 'கூகுளும்' வளைகிறது. புராஜக்டும் முடிகிறது. பெஞ்சில் இருக்கிறான். அப்போது அவனுக்கும் அடிக்கிறது மிஸ்டர். அன்ட் மிஸ்ஸஸ் போர்.

15. அரசியல்வாதிக்கோ லஞ்சம் வாங்கிவாங்கிப் போரடித்துப்போகி மக்களுக்கு ஏதாவது நல்லது செய்யலாமே என்று யோசிக்கிறான். என்ன பலன் அதற்குள் அடுத்த தேர்தல் வந்துவிடுகிறது.

16. ஐந்தாம் வகுப்புக்கான அறிவியலை - 15 வருடமாகத் திரும்பத்திரும்பப் பாடமெடுக்கிறார் ஆசிரியர் 'ஆடியபாதம்'. அவருக்கு அறிவியல் போரடித்தால் என்ன செய்யமுடியும். விதியைத்தான் நொந்துகொள்ள முடியும். ஏன் என்றால் அறிவியல் பாடத்தில்தான் மிதப்பு விதி, நியூட்டன் விதி, பொருண்மை அழியா விதி - எனப் பலப்பல விதிகள் உள்ளன.

17. அது மெதுவாக ஓடிவரும் போட்டி. யார் கடைசியாக மெதுவாக ஓடி வருகிறாரோ அவர்களுக்கே பரிசு கொடுப்பார்கள். நம்ம 'தலை'க்கோ திடீரென்று போரடிக்க ஆரம்பிக்கிறது. என்ன செய்தார்? மடமடவென்று வேகமாக ஓடி முதலில் வந்துவிட்டார்.

18. இராணுவத்தில் இருப்பவனுக்கு துப்பாக்கி சுடாமல் சும்மா இருப்பதென்றால் போர். அவன் என்ன செய்தான்? "தன்னைத்தானே சுட்டுக்கொண்டு இறந்துவிட்டான்".

19. கண்டிப்பாக இதைப்படித்த உங்களுக்கும் போரடித்து இருக்கும் என்பது எனக்குத் தெரியும். எனது போரடித்தல் வியாதியை உங்களுக்குப் பரப்பிவிட்டுவிட்டேன்.

20. இதையும் மீறி உங்களுக்குப் போரடிக்கும்போதெல்லாம் - இந்தக்கட்டுரையை யாருக்காவது ஈ-மெயில் அனுப்பிக்கொண்டே இருங்கள்.

100% சுத்தமான அக்மார்க் மொக்கைப் பதிவு இதுவென ஐ எஸ் ஓ 9002 வாங்குவதற்காகவே எழுதியுள்ளேன். மொக்கைப்பதிவுகளுக்கு என தனியாக விருது வழங்குபவர்கள் இதைப் பரிசீலனை செய்யும்படி பணிவுடன் கேட்டுக்கொள்கிறேன்.

இந்தப்பதிவு சுத்தமான கலப்படமில்லாத காப்பி பதிவு, கணினி ஞானி திரு தமிழ்நெஞ்சம் அவர்கள் போன வருடப்பதிவில் வந்துள்ளது... நான் படிக்காதது.. என்னைப்போல் பலரும் படிக்காமல் இருப்பார்கள் என்பதால் அவரது அனுமதியின்று வெளியடப்படுகிறது.

எனக்கு எதாவது ஐ.எஸ் ஓ 4501 வது தருவார்களா?

சோதனைப்பதிவு

2008-10-09T16:01:00.000+05:30

சோதனைப்பதிவு...

இப்பதிவு வெளியீடு நடைபெற்ற பின் தான் தெரியும்...

சோதனையைப்பற்றி

நன்றி